5 రోజుల్లో ఐదుగురిని కాటేసిన ఒకే పాము.. ఒకే ఫ్యామిలీకి చెందిన ముగ్గురి మృతి.. పాము పగ..?

పాములు పగ తీర్చుకుంటాయా..?

ఉత్తరప్రదేశ్ రా్ష్ట్రంలో వింత సంఘలన ఒకటి వెలుగులోకి వచ్చింది. హాపూర్ జిల్లాలోని సదర్‌పూర్ గ్రామంలో ఓ మిస్టరీ పాము భయం పట్టుకుంది. ఈ పాము గత ఐదు రోజుల్లో ఐదుగురిని కాటేసింది. వీరిలో ఒకే కుటుంబానికి చెందిన ముగ్గురు మృతి చెందారు. చీకటి పడితే చాలు ఈ పాము దాడి చేసి అదృశ్యమవుతుందని గ్రామస్తులు చెబుతున్నారు. పాము శబ్ధం వింటేనే ఆ గ్రామం ఉలిక్కిపడుతోంది.

పాము చావుకు ప్రతీకారం తీర్చుకునే కథలను మీరు చాలా వినే ఉంటారు. అలాంటిదే ఈ ఘటన. జనావాసాల్లోరి వచ్చిన పాము ఒకరి తర్వాత ఒకరు కాటేస్తే, ఆ వ్యక్తులు కలిసి పామును చంపారు. దాంతో పగబట్టిన ఇతర పాములు వాటికి హని తలపెట్టిన వారిని కాటు వేసి చంపేస్తాయంటారు. మన పూర్వీకులు కూడా ఇలాంటి కథలు ఎన్నో చెబుతూనే ఉంటారు. అయితే ఇలాంటి సంఘటనలు జరిగిన ప్రతిసారీ ఇది నిజంగా జరుగుతుందా అనే ప్రశ్న తలెత్తుతుంది. వాస్తవానికి, మన పూర్వీకులు విశ్వసించిన దానిని పూర్తిగా తిరస్కరించలేం. కానీ, మనం సైన్స్ ఏమి విశ్వసిస్తుందో అర్థం చేసుకోవడానికి ప్రయత్నిస్తాం.

హాపూర్‌లో ఏం జరిగింది..?

హాపూర్‌లోని సదర్‌పూర్ గ్రామంలో పాము కాటుకు గురైన ఐదుగురిలో ముగ్గురు ఒకే కుటుంబానికి చెందిన వారు కావడంతో పాము ప్రతీకారంగా భావిస్తున్నారు. వారిలో కొడుకు, కూతురు, తల్లి నిద్రిస్తున్న సమయంలో పాము కాటుకు గురయ్యారు. ముగ్గురూ చనిపోయారు. ఆ తర్వాత పాము మరో ఇద్దరిని బలితీసుకుంది. ఈ పామును ఇప్పుడు అటవీ శాఖ బృందం పట్టుకుంది. అయితే గ్రామంలో విషసర్పాలు ఉండటంతో భయంతో వణికిపోతున్నారు. సాయంత్రం కాగానే పాము గుంతలోంచి బయటకు వచ్చి గ్రామస్తులను బలితీసుకుంటోందని చెబుతున్నారు. పాము భయంతో సదర్‌పూర్ గ్రామ ప్రజలు నిద్రను కోల్పోయారు.

పాము విషం ఎంత ప్రమాదకరం?

విష పాము కాటు వేస్తే, యాంటీవీనమ్ అవసరం. దీని కోసం, ప్రతి సెకను ముఖ్యం. ఎందుకంటే విషం ప్రతి క్షణం హాని కలిగిస్తుంది. ఆలస్యం అయితే, వైకల్యం లేదా మరణం సంభవిస్తుంది. పాము పరిశోధకుడు మధువాగే చేసిన పరిశోధన సైన్స్ జర్నల్‌లో ప్రచురించారు. పాము కాటుకు గురైన తర్వాత లక్షణాలు ఉన్నవారికి మాత్రమే యాంటీవీనమ్ ఇవ్వాలి. అయితే ఇది వీలైనంత త్వరగా చేయాలి. యాంటీవీనమ్ డోస్ ఇస్తున్నప్పుడు, కాటు వేసిన పాము జాతి ఏమిటో తెలుసుకోవడం కూడా ముఖ్యం. సరైన చికిత్స అందించడానికి ఎలాంటి విషం శరీరంలో ఉందో తెలుసుకుని, విరుగుడుగా వైద్యం చేయడానికి వీలవుతుంది.

విష సర్పాలకు మూడు రకాల విషాలు..!

ప్రతి సంవత్సరం సుమారు లక్ష మంది పాము కాటు కారణంగా మరణిస్తున్నారని గణాంకాలు చెబుతున్నారు. లక్షలాది మంది వికలాంగులయ్యారు. అయితే, అన్ని పాములు విషపూరితమైనవి కావు. ప్రపంచవ్యాప్తంగా 4 వేలకు పైగా జాతుల పాములు ఉన్నాయి. వాటిలో 10 శాతం పాములు మాత్రమే విషపూరితమైనవి. అవి మానవులకు ముప్పుగా పరిగణిస్తారు. ఈ పాముల్లో మూడు రకాల విషాలు ఉంటాయి. మనం ప్రపంచంలోనే అత్యంత విషపూరితమైన పాము గురించి మాట్లాడినట్లయితే, ఇది ఆస్ట్రేలియాలో కనిపించే ఇన్లాండ్ తైపాన్. ఇండియన్ కోబ్రా, రస్సెల్స్ వైపర్, సా స్కేల్డ్ వైపర్, క్రైట్ భారతదేశంలో అత్యంత విషపూరితమైన పాము జాతులు.

మనుషులను చూస్తేనే పాము బుసలు..!

పాములు ఎక్కువగా మనుషులకు దూరంగా ఉండాలని భావిస్తాయి. ఆఫ్రికన్ స్నేక్‌బైట్ ఇన్‌స్టిట్యూట్ ప్రకారం, మనుషుల నుంచి ఆపద ఉన్నప్పుడు, బెదిరింపులకు గురవుతారని భావిస్తే, అవి తమ హుడ్‌లను విస్తరించి కూర్చోవడం, మెడలు పైకి లేపడం, బుసలు కొట్టడం, దాడి చేయడం ద్వారా తమను తాము రక్షించుకుంటాయి. పాము ఎప్పుడూ భయపెట్టడానికి మొదట దాడి చేస్తుందని నిపుణులు చెబుతుంటారు. ఎక్కువగా పారిపోవడానికి ప్రయత్నిస్తుంది. మొదట మానవుని వైపు ఒక మీటర్ వరకు పరిగెత్తుతుంది. పామును పట్టుకోవడానికి, దాడి చేయడానికి ప్రయత్నించినప్పుడు మాత్రమే తిరిగి దాడికి చేయడానికి దాి నోరు తెరిచి దూకుతుంది. ఇది తనకు తానూ రక్షించుకునే మార్గంలో ఒక భాగం.

పాము పగ తీర్చుకుంటుందా..?

పాములపై ​​రీసెర్చ్ చేసే స్టీవ్ రోర్క్.. ఒక పామును చంపితే మరో పాము పగ తీర్చుకుంటుందనీ, అలాంటి కాన్సెప్ట్ ఏమీ లేదన్నారు. పాములకు మెదడు శక్తి లేదని నిపుణులు పేర్కొంటున్నారు. ప్రపంచవ్యాప్తంగా పాములపై ​​నిర్వహించిన అనేక పరిశోధనలలో, ఇది పూర్తిగా భ్రమ అని అందరూ విశ్వసించారు. పాములపై ​​జరిపిన పరిశోధనల్లో వాటికి జ్ఞాపకశక్తి లేదని తేలింది.

ఒక పాము చనిపోయిన ప్రదేశంలో మరో పాము ఎందుకు కనిపిస్తుంది?

తరచుగా, ఒక పాము ఎక్కడ చంపబడిందో, అక్కడ మరొక పాము కనిపిస్తుంది. అదే జాతి పాము కావచ్చు. మరో పాము కావచ్చు. ప్రజలు దీనిని ప్రతీకారంగా చూస్తారు. కానీ ఈ కారణం సైన్స్‌లో ఒక సిద్ధాంతం ఉంది. మిషన్ స్నేక్ డెత్ ఫ్రీ ఇండియా కోఆర్డినేటర్ డాక్టర్ ఆశిష్ ప్రకారం, పాము చనిపోయినప్పుడు, అది మూత్ర విసర్జన చేస్తుంది. మూత్రంతో పాటు ఫెరోమోన్‌లను విడుదల చేస్తుంది. ఇది జీవులచే విడుదల చేయబడిన రసాయన సంకేతం. అందుకే పామును చంపిన చోటికి మరో పాము ఫేర్మోన్‌ల వల్లనే చేరుతుంది. దీన్ని చాలా రోజులు చేయగలదు.

పాములు నిజంగా వెంటాడుతున్నాయా?

పాములు భయం వల్ల పారిపోతాయి. అవి మనుషులకు భయపడతాయి. మానవులు వాటికి భయపడతారు. అటువంటి పరిస్థితిలో, చాలాసార్లు పాములు ప్రమాదంలో ఉన్న దిశలో పరుగెత్తడం ప్రారంభిస్తాయి. వైల్డ్‌లైఫ్ USA నివేదిక ప్రకారం, పాము ఉద్దేశ్యం దాని విషాన్ని చిమ్మించి, తనకు తానూ రక్షించుకుని పారిపోవడమే. అవి ఎగురుతున్న దిక్కు మనుషుల వైపు ఉండడంతో పాములు తమను వెంబడిస్తున్నాయని తప్పుగా అర్థం చేసుకుంటారు. పాములు దాక్కోవడానికి లేదా పారిపోవడానికి సమయం దొరికితే, పాము తన ప్రాణానికి ప్రమాదం ఉందని భావించినప్పుడు మాత్రమే, అవి దాడి చేస్తాయి.

పాము పిల్లలో ఎక్కువ విషం ఉంటుందా?

పాము పిల్లలకు ఎక్కువ విషం ఉంటుందనే అపోహ ఉంది. అయినప్పటికీ, స్నాక్ బైట్ ఇన్స్టిట్యూట్ నిపుణులు అలా నమ్మరు. పాము పిల్ల పాముల కంటే ప్రమాదకరమని, ఎందుకంటే అవి మరింత చురుకైనవని, అయితే వాటి కాటు సామర్థ్యం తేలికగా ఉంటుందని ఆయన చెప్పారు. వారి విషం వయస్సుతో మారుతుంది.

పాములు చెవిటివా, గుడ్డివా?

పాములకు చెవులు లేవని చెబుతారు. కానీ అది అలా కాదు. వాటికి లోపలి చెవి ఉంటుంది. వాటి క్రింది దవడ ఏదైనా కంపనాన్ని గ్రహించి లోపలి చెవికి పంపుతుంది. అందుకే మీరు ఏ శబ్దం చేసినా పాముకి తేడా లేదు. కానీ మీరు కంపనం కలిగించే పని చేస్తే, అది ప్రతిస్పందిస్తుంది. పాములు గుడ్డివని అపోహ ఉంది, కానీ అది కాదు. పాము ఆ నిశ్చల వస్తువులను మాత్రమే అర్థం చేసుకోవడం కష్టం. అయినప్పటికీ, పాములకు వయస్సు వచ్చినప్పుడు, వాటి కంటి చూపు దెబ్బతింటుంది. అవి కాంతి, చీకటి మధ్య తేడాను గుర్తించలేవు.

పాము నాలుకలో విషం ఉందా?

పాము నాలుకలో విషం ఉండదని, కేవలం వాసనను పరీక్షించేందుకు మాత్రమే వినియోగించి జాకబ్సన్ ఆర్గాన్ ద్వారా రుచి చూస్తుందని స్కాన్ బైట్ నిపుణులు చెబుతున్నారు. ఇది వారి వేటగాళ్ళు, ఆహారం, నీరు ఎక్కడ దొరుకుతుందో వాటికి తెలియజేస్తుంది. తన నాలుకను రెండు భాగాలుగా విభజించడం ద్వారా వాసన, దిశను కనుగొంటుంది.

మరిన్ని సైన్స్ అండ్ టెక్నాలజీ వార్తల కోసం ఇక్కడ క్లిక్ చేయండి..