Allah Ghazanfar IPL Auction 2025: బాప్ రే.. 6 వికెట్లతో మారిన లైఫ్.. ఊహించని ప్రైజ్ అందించిన ముంబై..

1 hour ago 1

Allah Ghazanfar IPL Auction 2025: అల్లా ఘజన్‌ఫర్ IPL 2025 మెగా వేలం కోసం రూ. 75 లక్షల బేస్ ధర వద్ద నమోదు చేసుకున్నాడు. ఆఫ్ఘనిస్తాన్ స్పిన్నర్ గత ఐపీఎల్ సీజన్‌లో కోల్‌కతా నైట్ రైడర్స్ జట్టులో భాగంగా ఉన్నాడు. అయినప్పటికీ అతను టోర్నమెంట్‌లో అరంగేట్రం చేయలేకపోయాడు. 2023, 2024 ఐపీఎల్ వేలం కోసం తనను తాను నమోదు చేసుకున్నప్పటికీ, ఈ రెండింటిలోనూ అమ్ముడవ్వలేదు. ఆ తరువాత, కోల్‌కతా నైట్ రైడర్స్ అతనిని ముజీబ్ ఉర్ రెహ్మాన్‌కు బదులుగా ఎంపిక చేసుకుంది.

గత రెండు వేలంలా కాకుండా, ఘజన్‌ఫర్ 2025 వేలంలో అనేక జట్లను ఆకర్షించాడు. ఇందుకోసం నాలుగు జట్లు తీవ్రంగా పోటీపడ్డాయి.

అతను వన్డే ఫార్మాట్ ద్వారా ఈ సంవత్సరం ప్రారంభంలో అంతర్జాతీయ క్రికెట్‌లో అరంగేట్రం చేశాడు. ఈ నెల ప్రారంభంలో, అతను బంగ్లాదేశ్‌పై సంచలనాత్మక ఆరు వికెట్లు తీసి తన జట్టును అద్భుత విజయం అందించాడు.

ఇవి కూడా చదవండి

ఎమర్జింగ్ టీమ్స్ ఆసియా కప్‌లో ఆఫ్ఘనిస్తాన్ విజయవంతమైన ప్రచారంలో ఘజన్‌ఫర్ కూడా ఆకట్టుకున్నాడు.

టోర్నీలో నాలుగు మ్యాచ్‌ల్లో ఆరు వికెట్లు తీశాడు. మొత్తంమీద, అతను ఇప్పటివరకు 16 టీ20లు ఆడాడు. 6 కంటే తక్కువ ఎకానమీ రేటును కొనసాగిస్తూ 29 వికెట్లు తీసుకున్నాడు.

అల్లా ఘజన్‌ఫర్‌ కోసం రూ. 4.80 కోట్లు ఖర్చు చేసిన ముంబై ఇండియన్స్..

IPL 2025 మెగా వేలంలో ముంబై ఇండియన్స్ INR 4.80 కోట్లకు అల్లా ఘజన్‌ఫర్‌ను దక్కించుకుంది. రాయల్ ఛాలెంజర్స్ బెంగళూరు బిడ్డింగ్‌ను పొడిగించింది. కోల్‌కతా నైట్ రైడర్స్ మొదటి బిడ్ వేసి షురూ చేసినా, ఆ తర్వాత ముందుకు సాగలేదు.

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article