2 hours ago
1
రాహుల్ ద్రవిడ్, భారత క్రికెట్ జట్టు మాజీ కోచ్ టెస్ట్ క్రికెట్ పై తనకున్న అభిరుచిని దాచుకోలేకపోయాడు. 2024లో భారత జట్టు విజయవంతంగా T20 ప్రపంచ కప్ గెలిచిన తర్వాత, ద్రవిడ్ రాజస్థాన్ రాయల్స్ కోచ్‌గా IPL 2025 వేలంలో పాల్గొంటున్నాడు. జెడ్డాలో జరిగిన ఈ వేలంలో ఆర్‌ఆర్ జట్టు వ్యూహాలతో మునిగి ఉన్న ద్రవిడ్, భారత్, ఆస్ట్రేలియా మధ్య జరిగిన తొలి టెస్టు మ్యాచ్‌పై తన ఆసక్తిని అదుపులో పెట్టలేకపోయాడు.
బోర్డర్-గవాస్కర్ ట్రోఫీలో భాగంగా పెర్త్ లో జరుగుతున్న తొలిటెస్ట్ కు సంబంధించి.. RR టీమ్‌లోని ఒక సభ్యుడు అతనికి ఆస్ట్రేలియా సిక్స్ డౌన్ అని చెప్పాడు.. దీంతో ఒక్కసారిగా ద్రవిడ్ ఆసక్తి గరిష్ట స్థాయికి చేరుకుంది. వెంటనే అవుట్ అయ్యింది ఎవరు అని ద్రావిడ్ అడగగా.. టీమ్ సభ్యుడు లబుచేన్ అని చెప్పాడు.. అప్పుడు ద్రావిడ్ వికెట్ తీసిన బౌలర్ పేరు అడిగాడు, వెంటనే అతను సిరాజ్ అని సమాధానం ఇచ్చాడు.
రాహుల్ ద్రవిడ్, తన IPL సమావేశాన్ని మధ్యలో ఆపి, ఈ ఉత్కంఠభరితమైన మ్యాచ్‌కు కనెక్ట్ కావడం ద్వారా తనలో క్రికెట్ పట్ల ఉన్న ప్యాషన్‌ను బయట పెట్టుకున్నాడు. ఇక పెర్త్ టెస్టులో భారత జట్టు ఆస్ట్రేలియాపై పూర్తి ఆధిపత్యం చెలాయించింది. మొదటి రోజు కెప్టెన్ జస్ప్రీత్ బుమ్రా అద్భుతమైన బౌలింగ్‌తో ఆస్ట్రేలియాను ఆలౌట్ చేసి, ఆతిథ్య జట్టును పెద్ద సంఖ్యలో పది వికెట్లు తీసిన క్రమంలో చిక్కులోకి నెట్టిన భారత జట్టు, రెండో రోజు తమ ప్రదర్శనతో పూర్తి ఆధిపత్యాన్ని కనబరిచింది.
ఆసీస్ బ్యాటర్లు తడబడిన సమయంలో, భారత ఓపెనర్లు యశస్వీ జైస్వాల్ (90 నాటౌట్) మరియు కేఎల్ రాహుల్ (62 నాటౌట్) అజేయ అర్ధ శతకాలు నమోదు చేస్తూ కంగారూ బౌలర్లను ముప్పతిప్పలు పెట్టారు. బంతి ఎక్కువగా బౌన్స్ కాకపోవడంతో, క్రమంగా నింపాదిగా ఆడుతూ భారత జట్టు ఆధిక్యాన్ని రెండొందల పర్లేకు దాటించింది. రెండో రోజు ఆట ముగిసే సమయానికి, భారత జట్టు వికెట్ కోల్పోకుండా 172 పరుగులు సాధించి, బోర్డర్-గవాస్కర్ ట్రోఫీ సొంతం చేసుకోవడానికి దిశగా విజయ పథంలో ముందుకెళ్లింది.
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·