Champions Trophy 2025: ఇక 24 గంటలే గడువు.. ఛాంపియన్స్ ట్రోఫీలో బుమ్రా ఆడతాడా?

11 hours ago 1

ఛాంపియన్స్ ట్రోఫీ ప్రారంభానికి ఇంకా 9 రోజులు మాత్రమే మిగిలి ఉన్నాయి. అయితే, ఈ టోర్నమెంట్‌లో టీం ఇండియా స్టార్ పేసర్ జస్‌ప్రీత్ బుమ్రా ఆడతాడా లేదా అనేది ఇంకా క్లారిటీ రాలేదు. నిజానికి, ఈ ఐసిసి టోర్నమెంట్ కోసం జనవరి 18న బిసిసిఐ 15 మంది సభ్యుల జట్టును ప్రకటించింది. ఆ జట్టులో బుమ్రాకు కూడా స్థానం లభించింది. అయితే, ఆస్ట్రేలియా పర్యటనలో చివరి మ్యాచ్‌లో గాయపడిన జస్‌ప్రీత్ బుమ్రా రికవరీపై ఇంకా ఎటువంటి సమాచారం లేదు. కానీ ఇప్పుడు బుమ్రా విషయంపై బీసీసీఐ 24 గంటల్లోపు తుది నిర్ణయం తీసుకోవాల్సి ఉంది. జస్‌ప్రీత్ బుమ్రా ఫిట్‌నెస్‌పై అనిశ్చితి కారణంగా ఫిబ్రవరి 11న ఛాంపియన్స్ ట్రోఫీలో అతని భాగస్వామ్యంపై బీసీసీఐ తుది నిర్ణయం తీసుకుంటుందని వార్తలు వచ్చాయి. ఎందుకంటే అన్ని బోర్డులు తమ తుది జట్టు జాబితాలను ఐసిసికి సమర్పించడానికి ఫిబ్రవరి 11 చివరి తేదీ. అందువల్ల, అప్పటికి బుమ్రా ఫిట్‌నెస్ గురించి బీసీసీఐ ఖచ్చితమైన సమాచారాన్ని అందిస్తుంది. నిజానికి, బుమ్రా ఇటీవల బెంగళూరులోని BCCI సెంటర్ ఆఫ్ ఎక్సలెన్స్‌లో బ్యాక్ స్కాన్ చేయించుకున్నాడు. అందువల్ల, BCCI వైద్య సిబ్బంది త్వరలో బుమ్రా ఫిట్‌నెస్ నివేదికను సెలెక్టర్లకు సమర్పిస్తారు. ఆ తర్వాత, ఛాంపియన్స్ ట్రోఫీలో జస్‌ప్రీత్ బుమ్రా పాల్గొనడంపై నిర్ణయం తీసుకోనున్నారు.

ఛాంపియన్స్ ట్రోఫీకి ముందు ఇంగ్లాండ్‌తో వన్డే సిరీస్‌కు భారత జట్టును ప్రకటించినప్పుడు బుమ్రా గాయం గురించి మాట్లాడిన బీసీసీఐ చీఫ్ సెలెక్టర్ అజిత్ అగార్కర్, “బుమ్రాకు ఐదు వారాల విశ్రాంతి ఇచ్చారు” అని అన్నారు. అందువల్ల, ఇంగ్లాండ్‌తో జరిగే మొదటి రెండు వన్డేలకు బుమ్రా అందుబాటులో ఉండనని అతను చెప్పాడు. అయితే ఆ తర్వాత బిసిసిఐ బుమ్రా పేరును జాబితా నుండి తొలగించింది. అప్పటి నుంచి బుమ్రా సమయానికి ఫిట్ అవుతాడా లేదా అనే టెన్షన్ అభిమానుల్లో పెరిగింది.

ఇవి కూడా చదవండి

దుబాయ్ విమానం ఎక్కుతాడా?

ఛాంపియన్స్ ట్రోఫీలో భారత జట్టు పాకిస్తాన్, బంగ్లాదేశ్, న్యూజిలాండ్‌లతో పాటు గ్రూప్ Aలో ఉంది. టీం ఇండియా తన అన్ని మ్యాచ్‌లను దుబాయ్‌లో ఆడుతుంది. రోహిత్ జట్టు ఫిబ్రవరి 20న బంగ్లాదేశ్‌తో తొలి మ్యాచ్ ఆడనుంది, ఆ తర్వాత ఫిబ్రవరి 23న పాకిస్థాన్‌తో తలపడనుంది. ఆ తర్వాత వారు చివరి గ్రూప్ మ్యాచ్‌లో న్యూజిలాండ్‌తో తలపడతారు.

🚨 GOOD NEWS FOR INDIAN CRICKET 🚨

– Jasprit Bumrah is apt to commencement carnal enactment similar immoderate gym enactment and adjacent airy bowling successful the adjacent 24-28 hours. (Sahil Malhotra/TOI). pic.twitter.com/x3kB7WWJ2s

— Tanuj Singh (@ImTanujSingh) February 10, 2025

మరిన్ని క్రీడా వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article