Chanakya Niti: జీవితంలో విబేధాలు రాకుండా ఉండాలంటే.. పెళ్ళికి ముందు ఈ విషయాలు తెలుసుకోమంటున్న చాణక్య..

జీవితం సరైన మార్గంలో ప్రయాణం చేయడం.. జీవన మార్గం సుగమం చేసుకోవడం కోసం చాణక్య నీతి పాటించడం ఒక్కటే దారి అని పెద్దలు చెబుతారు. అందుకే జీవితంలో అతి పెద్ద నిర్ణయం తీసుకునే ముందు చాణక్య నీతి గురించి ఈ 3 విషయాలు తెలుసుకోవడం మంచిది. చాణక్య సూత్రాలు పాటిస్తే జీవితంలో పురోగమనం ఉంటుంది. చాణక్యుడు చెప్పిన ఈ 3 విషయాలు జీవితంలో పాటించడం వలన వైవాహిక జీవితం సంతోషంగా గడపడానికి ఉపయోగపడతాయి. ప్రస్తుతం ప్రపంచంలో దాంపత్య జీవితంలో విబేధాలు తరచుగా చోటు చేసుకుంటూ.. విడాకుల వరకూ వెళ్తున్నారు. ఈ నేపధ్యంలో వైవాహిక జీవితం సంతోషంగా ఉండేందుకు చాణక్యుడు చాలా విషయాలు చెప్పాడు. వీటిని పాటిస్తే వైవాహిక జీవితం సుఖ సంతోషాలతో సాగుతుంది.

రిలేషన్‌షిప్‌లో ఏ చిన్నపాటి చీలిక వచ్చినా ఎక్కువ కాలం సంబంధాన్ని కొనసాగించడం చాలా కష్టం. వైవాహిక సంబంధాలు చాలా సున్నితంగా ఉంటాయి. ఈ సంబంధం మాధుర్యాన్ని కొనసాగించడానికి అనేక విషయాలపై ప్రత్యేక శ్రద్ధ తీసుకోవడం చాలా ముఖ్యం. వేరు వేరు కుటుంబాల నుంచి వచ్చిన ఇద్దరు వ్యక్తులు ఒకరినొకరు తెలుసుకోవటానికి సమయం పడుతుంది. ఇద్దరు వేర్వేరు వ్యక్తులు భార్యాభర్తలుగా మారి తమ వైవాహిక జీవితాన్ని ఆనందంగా గడపడానికి చిన్న చిన్న త్యాగాలు చేయాలి. వైవాహిక జీవితాన్ని సంతోషంగా ఉంచడానికి చాణక్యుడు అనేక పరిష్కారాలను కూడా సూచించాడు. అందుకే పెళ్లి తర్వాత కంటే పెళ్ళికి ముందు జీవిత భాగస్వామి గురించి కొన్ని విషయాలు తెలుసుకోవాలని వెల్లడించాడు.

చాణక్యుడు ప్రకారం వైవాహిక జీవితంలో విబేధాలు రావడం మొదలు పెడితే అది కొనసాగుతూనే ఉంటుంది. అయితే అసలు భార్యాభర్తల మధ్య అభిప్రాయ బేధాలు రాకుండా ముందు జాగ్రత్తగా పెళ్ళికి ముందే కొన్ని విషయాలపై దృష్టి పెట్టాలని సూచించాడు. పెళ్లికి ముందు కాబోయే భాగస్వామిని తప్పనిసరిగా మూడు ప్రశ్నలు అడగాలని చెప్పాడు. దీని వలన వివాహానంతరం పవిత్రమైన భార్య భర్తల సంబంధంపై ఏ విధంగానూ ప్రభావం చూపించదన్నాడు.

ఇవి కూడా చదవండి

వయస్సు గురించి తెలుసుకోండి..

ఆచార్య చాణక్యుడి విధానం ప్రకారం వివాహానికి ముందుకాబోయే భాగస్వామి వయస్సును ఒకరికొకరు ఖచ్చితంగా అడిగి తెలుసుకోవాలి. నిజానికి భార్యాభర్తల మధ్య వయోభేదం ఎక్కువగా ఉంటే విబేధాలు వచ్చే అవకాశం ఎక్కువ. భార్యాభర్తల మధ్య అవగాహన లేకపోవడమే వైవాహిక జీవితం విచ్ఛిన్నం కావడానికి ఒక కారణం మని పేర్కొన్నాడు. ఇద్దరి మధ్య అవగాహన లేకపోతే గొడవలు వచ్చే అవకాశం ఉంది. అందువల్ల భార్యాభర్తల మధ్య వయస్సు వ్యత్యాసం ఎక్కువగా ఉండకూడదు. అప్పుడు వైవాహిక జీవితం సంతోషంగా సాగుతుంది.

ఆరోగ్యం గురించి సమాచారం

ఆచార్య చాణక్యుడి విధానంలో వివాహానికి ముందు తన కాబోయే భాగస్వామి ఆరోగ్యానికి సంబంధించిన మొత్తం సమాచారాన్ని తెలుసుకోవాలి. శారీరకంగా, మానసికంగా ఎలాంటి సమస్యలు లేవని, భవిష్యత్తులో ఇద్దరూ ఎటువంటి సమస్యలు ఎదుర్కోవాల్సిన అవసరం ఉండదని స్పష్టం చేయాలని చెప్పాడు.

పెళ్ళికి ముందు పాత సంబంధాలు

ఆచార్య చాణక్యుడు వివాహానికి ముందు జీవిత భాగస్వామికి సంబంధించిన మునుపటి సంబంధాల గురించి ఒకరికొకరు తెలుసుకోవాలని.. ఎటువంటి దాపరికం లేకుండా చెప్పాలని చాణుక్యుడు చెప్పాడు. ఇలా పెళ్ళికి ముందు ఉన్న సంబంధం గురించి రహస్యంగా ఉంచకుండా చెప్పడం వలన వైవాహిక జీవితంలో భవిష్యత్ ఎటువంటి విబేధాలు రావని.. ఆహ్లాదకరంగా సాగుతుందని వెల్లడించాడు.

మరిన్ని ఆధ్మాతిక వార్తల కోసం క్లిక్ చేయండి..

నోట్ : పైన తెలిపిన విషయాలు పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే. వీటిలో ఎలాంటి శాస్త్రీయ ఆధారాలు లేవని రీడర్స్ గమనించాలి.