Gold Silver Rate Today 20 November 2024 : सोने-चांदीचे महागाईला मतदान; दोनच दिवसांत मोठी मुसंडी, आता काय आहेत किंमती?

3 days ago 2

मागील आठवड्यात सोने आणि चांदीने ग्राहकांना मोठा दिलासा दिला. दोन्ही मौल्यवान धातुनी गेल्या आठवड्यात नरमाईचा सूर आळवला. सोने 6 हजारांच्या घरात तर चांदी 11 हजारांनी स्वस्त झाली. पण या आठवड्यात दोन्ही धातुनी या नरमाईची वसूली केली. ग्राहकांना या आठवड्यात झटक बसला. अवघ्या दोनच दिवसांत सोन्याने 1200 रुपयांच्या घरात उसळी घेतली. तर चांदीने पण मोठी झेप घेतली. या आठवड्याच्या सुरूवातीला सोने आणि चांदीने महागाईला मतदान केल्याने ग्राहकांचा खिसा कापल्या गेला. सराफा बाजारात अशा आहेत मौल्यवान धातुच्या किंमती (Gold Silver Price Today 20 November 2024 )

सोन्याची मोठी मुसंडी

मागील आठवड्यात सोने 1300 रुपयांनी स्वस्त झाले होते. या आठवड्याच्या सुरुवातीला सोन्याने 1200 रुपयांची वाढ नोंदवली. सोमवारी सोने 660 रुपयांनी महागले तर मंगळवारी त्यात 760 रुपयांची वाढ झाली. आजही सकाळच्या सत्रात या दोन्ही धातुत दरवाढीचे संकेत मिळत आहेत. गुडरिटर्न्सनुसार, आता 22 कॅरेट सोने 70,810 रुपये प्रति 10 ग्रॅम तर 24 कॅरेट सोन्याचा भाव 77,230 रुपये प्रति 10 ग्रॅम आहे.

हे सुद्धा वाचा

चांदी 2 हजारांनी वधारली

गेल्या दोन आठवड्यापासून चांदीत नरमाईचा सूर होता. गेल्या आठवड्यात चांदी 5 हजार रुपयांनी स्वस्त झाली होती. आज सकाळच्या सत्रात चांदीने दरवाढीचे संकेत दिले आहेत. गुडरिटर्न्सनुसार, एक किलो चांदीचा भाव 91,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 75,873 23 कॅरेट 75,569, 22 कॅरेट सोने 69,500 रुपयांवर आहे. 18 कॅरेट आता 56,905 रुपये, 14 कॅरेट सोने 44,386 रुपये प्रति 10 ग्रॅमवर आहे. एक किलो चांदीचा भाव 90,956 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article