2 hours ago
1
India vs Australia 2nd Test: పెర్త్ టెస్టులో కేవలం 4 రోజుల్లో ఓడిన ఆస్ట్రేలియా జట్టు.. అడిలైడ్ వేదికగా జరగనున్న పింక్ బాల్ టెస్టులో భారీ మార్పు చేసింది. ఆసీస్ జట్టులో ఆల్ రౌండర్ బ్యూ వెబ్‌స్టర్‌కు చోటు కల్పించారు. మిచెల్ మార్ష్ గాయం దృష్ట్యా, ఈ టాస్మానియా ఆటగాడు అడిలైడ్ టెస్టు కోసం జట్టులో చేరాడు. అందుకు కారణం బ్యూ వెబ్‌స్టర్ ఇటీవలి ఫామ్ అనడంలో ఎలాంటి సందేహం లేదు. ఇటీవల ఇండియా ఎతో జరిగిన మ్యాచ్‌లో అద్భుత ప్రదర్శనతో ఆకట్టుకున్నాడు.
వెబ్‌స్టర్ ఫస్ట్ క్లాస్ రికార్డ్..
బ్యూ వెబ్‌స్టర్ ఫస్ట్ క్లాస్ క్రికెట్‌లో 12 సెంచరీలతో 5297 పరుగులు చేశాడు. ఈ కాలంలో అతని బ్యాటింగ్ సగటు 37 కంటే ఎక్కువగా ఉంది. ఫస్ట్ క్లాస్ క్రికెట్‌లో బంతితో 148 వికెట్లు తీశాడు. ఇండియా ఏతో జరిగిన ప్రాక్టీస్ మ్యాచ్‌లోనూ వెబ్‌స్టర్ అద్భుత ప్రదర్శన చేశాడు. 2 మ్యాచ్‌ల్లో 4 ఇన్నింగ్స్‌ల్లో ఒక అర్ధ సెంచరీతో 150కి పైగా పరుగులు చేసి 7 వికెట్లు పడగొట్టాడు.
టాస్మానియా విజయంతో భారీ రివార్డ్ ఇచ్చిన ఆస్ట్రేలియా..
నవంబర్ 24 నుంచి న్యూ సౌత్ వేల్స్‌తో జరిగిన మ్యాచ్‌లో కూడా బ్యూ వెబ్‌స్టర్ అద్భుత ప్రదర్శన చేశాడు. ఈ మ్యాచ్‌లో టాస్మానియా 55 పరుగుల తేడాతో విజయం సాధించింది. ఈ మ్యాచ్‌లో ఈ యంగ్ ప్లేయర్ బంతి, బ్యాట్ రెండింటితోనూ కీలక సహకారం అందించాడు. వెబ్‌స్టర్ రెండు ఇన్నింగ్స్‌లలో కలిపి 110 పరుగులు చేశాడు. అలాగే బంతితో 5 వికెట్లు పడగొట్టాడు. ప్రస్తుతం అతని ప్రదర్శనను పరిగణనలోకి తీసుకుని మార్ష్‌కు ప్రత్యామ్నాయంగా అతడిని జట్టులోకి తీసుకోవాలని ఆస్ట్రేలియా టీమ్ మేనేజ్‌మెంట్ నిర్ణయించింది.
ఇవి కూడా చదవండి
మార్ష్ గాయంతో వెబ్‌స్టర్‌కు లక్కీ చాన్స్..
పెర్త్ టెస్టులో భారత్ 295 పరుగుల భారీ తేడాతో ఆస్ట్రేలియాను ఓడించింది. ఆ మ్యాచ్‌లో మిచెల్ మార్ష్ గాయం నుంచి తిరిగి వచ్చాడు. కానీ, మరోసారి అతను గాయపడ్డాడు. దీని కారణంగా వెబ్‌స్టర్ బ్యాకప్‌గా జట్టులో చేర్చారు. మార్ష్ గాయంపై నిరంతరం ఓ కన్నేసి ఉంచనున్నట్లు ఆస్ట్రేలియా జట్టు కోచ్ చెప్పుకొచ్చాడు.
డిసెంబర్ 6 నుంచి 10 వరకు అడిలైడ్‌లో భారత్, ఆస్ట్రేలియా మధ్య రెండో టెస్టు జరగనుంది. ఇది డే-నైట్ టెస్ట్. ఇందులో పింక్ బాల్‌ను ఉపయోగించనున్నారు.
మరిన్ని క్రీడా వార్తల కోసం ఇక్కడ క్లిక్ చేయండి..
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·