IND Vs SA: సిరీస్ వశం.. టీ20ల్లో టీమిండియా రికార్డుల శివతాండవం.. వివరాలు ఇవిగో

2 hours ago 1

భారత్-దక్షిణాఫ్రికా మధ్య జరిగిన చివరి టీ20లో భారత్ అద్భుత ప్రదర్శన చేసింది. సంజూ శాంసన్‌, తిలక్‌ వర్మ అజేయ సెంచరీలతో 283 పరుగులతో రికార్డు సృష్టించారు. విదేశాల్లో భారత్‌లో ఇదే అత్యధికం..

Ravi Kiran

దక్షిణాఫ్రికాతో జరిగిన చివరి టీ20లో టీమిండియా ఘన విజయం సాధించింది. వన్ సైడెడ్‌గా జరిగిన ఈ మ్యాచ్‌లో టీమిండియా బ్యాటర్లు విరుచుకుపడ్డారు. ఏకంగా 135 పరుగుల తేడాతో సఫారీలను చిత్తు చేసింది భారత జట్టు.

ఈ మ్యాచ్‌లో పలు కీలక రికార్డులను బద్దలు కొట్టింది టీమిండియా. మెన్స్ టీ20లో 3 సార్లు 250+ స్కోర్ చేసిన తొలి జట్టుగా భారత్ జట్టు నిలిచింది.

సంజూ శాంసన్, తిలక్ వర్మ నమోదు చేసిన 210 పరుగుల భాగస్వామ్యం ఏ వికెట్‌కైనా భారత్ తరపున ఇదే అత్యధికం. అటు ఐసీసీ ఫుల్ టైం టీమ్స్‌లో ఒకే ఇన్నింగ్స్‌లో ఇద్దరు(సంజూ-109, తిలక్-120) బ్యాటర్లు సెంచరీలు చేయడం ఇదే తొలిసారి

అలాగే ఒక సిరీస్‌లో 4 సెంచరీలు నమోదు కావడం ఇదే తొలిసారి. ఇక సఫారీలు 135 పరుగుల తేడాతో చిత్తు కావడం కూడా ఇదే మొదటిసారి.

ఇక టీమిండియా ఈ మ్యాచ్‌లో 23 సిక్సర్లు కొట్టగా.. టీ20లలో అత్యధిక సిక్సర్లు కొట్టిన జట్టుగా మూడో స్థానంలో నిలిచింది. మొదటి స్థానంలో జింబాబ్వే(27), రెండో స్థానంలో నేపాల్(26) ఉన్నారు.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article