IPL 2025: ఐపీఎల్ ముందు ఆర్సీబీ సంచలన నిర్ణయం.. బౌలింగ్ కోచ్‌‌‌గా ఒక్క వికెట్ కూడా తీయని ఆటగాడు..

4 days ago 2

ఇండియన్ ప్రీమియర్ లీగ్ 2025కి ముందు RCB ఒక పెద్ద నిర్ణయం తీసుకుంది. ముంబై రంజీ జట్టు ప్రధాన కోచ్‌ని తన జట్టులో చేర్చుకుంది. రాయల్ ఛాలెంజర్స్ బెంగళూరుకు కొత్త ఫాస్ట్ బౌలింగ్ కోచ్‌గా ఓంకార్ సాల్వి నియమితులైయ్యారు. దేశవాళీ క్రికెట్ కోచింగ్‌లో ఓంకార్ సాల్వి పెద్ద పేరు సంపాదించాడు. ఓంకార్ సాల్వి 2023-24 రంజీ ట్రోఫీ కోసం ముంబైలో చేరాడు. అతని కోచింగ్‌లో ఈ జట్టు 8 సంవత్సరాల తర్వాత రంజీ ట్రోఫీని గెలుచుకోవడంలో విజయవంతమైంది. ఇదే కాకుండా సాల్వి కోచింగ్‌లో ముంబై జట్టు ఇరానీ కప్‌ను కూడా గెలుచుకుంది. 27 ఏళ్ల తర్వాత ముంబై ఈ ప్రతిష్టాత్మక ట్రోఫీని గెలుచుకుంది.

Cheteshwar Pujara: అయ్యో పాపం పుజారా.! టీమిండియా మెనేజ్‌మెంట్ పట్టించుకోకపోవడంతో సంచలన నిర్ణయం

RCB వర్గాల సమాచారం ప్రకారం, ఓంకార్ సాల్వి మార్చి 2025 తర్వాత జట్టులోకి వస్తాడు. దేశవాళీ సీజన్ ముగిసిన తర్వాతే అతను RCBలో చేరతాడు. మార్చి చివరి వారంలో IPL 2025 ప్రారంభం కావచ్చు. సాల్వికి అప్పటి వరకు ముంబై క్రికెట్ అసోసియేషన్‌తో ఒప్పందం ఉంది. ఓంకార్ సాల్వీకి ఆటగాడిగా పెద్దగా అనుభవం లేదు. అతను 2005 సంవత్సరంలో రైల్వేస్ తరఫున ఒకే ఒక్క మ్యాచ్ ఆడాడు. అతను తన కెరీర్‌లో ఒకే ఒక వికెట్ తీసుకున్నాడు. కానీ అతను ఆటగాళ్లలో కోచ్‌గా బాగా ప్రాచుర్యం పొందాడు. ఈ ఏడాది కూడా అతని కోచింగ్‌లో ముంబై రంజీ ట్రోఫీ ఎలైట్ గ్రూప్‌లో మూడో స్థానంలో ఉంది. 5 మ్యాచ్‌లు ఆడి 22 పాయింట్లు సాధించింది. సాల్వీకి ఐపీఎల్‌లో అనుభవం కూడా ఉంది. అతను కోల్‌కతా నైట్ రైడర్స్‌కు అసిస్టెంట్ బౌలింగ్ కోచ్‌గా కూడా ఉన్నాడు.

A NEW BOWLING COACH FOR RCB…!!!! 👊

– Omkar Salvi to beryllium roped arsenic the caller bowling Coach of RCB. [Devendra Pandey (@pdevendra) From Express Sports] pic.twitter.com/mmZdjOvN2K

— Johns. (@CricCrazyJohns) November 18, 2024

ఓంకార్ సాల్వి టీమిండియా మాజీ ఫాస్ట్ బౌలర్ ఆవిష్కర్ సాల్వికి సోదరుడు. ఆవిష్కర్ సాల్వి టీమ్ ఇండియా తరఫున 4 వన్డే మ్యాచ్‌లు ఆడాడు, అందులో అతను 4 వికెట్లు పడగొట్టాడు. సాల్వీ 62 ఫస్ట్ క్లాస్ మ్యాచ్‌ల్లో 169 వికెట్లు తీశాడు. లిస్ట్ ఎలో సాల్వి 52 మ్యాచ్‌ల్లో 71 వికెట్లు పడగొట్టాడు. ఆవిష్కర్ ఐపీఎల్‌లో ఢిల్లీ క్యాపిటల్స్‌కు ప్రాతినిధ్యం వహించాడు. అతను 7 మ్యాచ్‌లలో 7 వికెట్లు తీయగలిగాడు.

మరిన్ని క్రికెట్ వార్తల కోసం ఇక్కడ క్లిక్ చేయండి

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article