Nanded Election : लोहा येथे मतमोजणी सुरू असताना तहसील कार्यालयासमोर दगडफेक

लोहा ( नांदेड ) : पुढारी वृत्तसेवा : लोहा येथे मतमोजणी सुरू असताना एक अपक्ष उमेदवार मागे पडत असल्याचे लक्षात येताच समर्थक कार्यकर्त्यांनी तहसील कार्यालयासमोर दगडफेक व गोंधळ केल्याचा प्रकार घडला आहे. सुरुवातीपासून या ठिकाणी राष्ट्रवादी काँग्रेसचे प्रताप पाटील चिखलीकर आघाडीवर आहेत.

विधानसभा निवडणुकसाठीची मतमोजणी आज सकाळपासून केंद्रावर सुरू होती. याच दरम्यान एका अपक्ष उमेदवार मतमोजणीत पिछाडीवर असताना हा प्रकार घडला आहे. अजून मतमोजणी पूर्ण झालेली नाही.