Pimpri News: पोत्यात आढळलेल्या मृतदेहाची ओळख पटली

2 hours ago 1

Published on

27 Nov 2024, 7:53 am

Updated on

27 Nov 2024, 7:53 am

Pimpri Crime News: तळेगाव दाभाडे पोलीस ठाण्याच्या हद्दीत शिरगाव फाट्यावर एका अज्ञात महिलेचा मृतदेह पोत्यात आढळल्याची घटना सोमवारी (दि. 25) उघडकीस आली. या महिलेची ओळख पटविण्यात पोलिसांना यश आले. मात्र महिलेच्या मृत्यूचे कारण अद्यापही गुलदस्तात आहे. नीता गोसावी (वय 45, रा. लोहगाव, पुणे) असे मृतदेह सापडलेल्या महिलेचे नाव आहे.

वरिष्ठ पोलीस निरीक्षक प्रदीप रायन्नावार यांनी दिलेल्या माहितीनुसार, जुन्या पुणे-मुंबई महामार्गावर शिरगाव फाट्यावर एका महिलेचा मृतदेह पोत्यात घालून फेकल्याची घटना उघडकीस आली. तळेगाव दाभाडे पोलिसांनी घटनास्थळी धाव घेत मृतदेह ताब्यात घेतला. संबंधित महिला लोहगाव येथील आहे. ती महिला शनिवारी (दि. 23) तिच्या राहत्या घरातून बेपत्ता झाली. याबाबत रविवारी विमानतळ पोलीस ठाण्यात बेपत्ता झाल्याची तक्रार नोंदविण्यात आली आहे.

सोमवारी महिलेचा मृतदेह शिरगाव फाट्यावर पोत्यात आढळून आला. त्यामुळे महिलेचा खून करून मृतदेह पोत्यात घालून फेकून दिल्याचा प्राथमिक अंदाज व्यक्त केला जात आहे. शवविच्छेदन अहवाल अद्याप आलेला नाही. अहवाल आल्यानंतर मृत्यूचे नेमके कारण स्पष्ट होईल. त्यानंतर पुढील कारवाई होणार असल्याची माहिती वरिष्ठ पोलीस निरीक्षक रायन्नावार यांनी दिली.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article