1 hour ago
1
मुलाच्या डोक्यात दगड मारून खुनाचा प्रयत्न; कोंढवा परिसरातील धक्कादायक घटनाfile photo
Published on
:
30 Nov 2024, 4:51 am
Updated on
:
30 Nov 2024, 4:51 am
Crime News Pune: नात्यातील मुलीबाबत अपशब्द वापरल्याने अल्पवयीनांनी शाळकरी मुलाच्या डोक्यात दगड मारल्याची घटना कोंढवा भागात घडली. याप्रकरणी तीन अल्पवयीनांविरुद्ध खुनाचा प्रयत्न केल्याप्रकरणी कोंढवा पोलिसांनी गुन्हा दाखल केला आहे. याबाबत मुलाच्या वडिलांनी कोंढवा पोलीस ठाण्यात फिर्याद दिली आहे. हा प्रकार टिळेकरनगर कोंढवा बुद्रुक परिसरात तीन दिवसांपूर्वी घडला.
फिर्यादींचा15 वर्षीय मुलगा कोंढव्यातील टिळेकरनगर भागात राहायला आहे. मुलाने शाळेतील मुलीबाबत अपशब्द उच्चारल्याने अल्पवयीन मुले चिडली होती. बुधवारी सकाळी आठच्या सुमारास तो शाळेत निघाला होता. टिळेकरनगर परिसरातील आकृती सोसायटीजवळ तीन अल्पवयीनांनी मुलाला अडवले. त्याला शिवीगाळ करून मारहाण केली.
एकाने शाळकरी मुलाच्या डोक्यात दगड मारल्याने त्याला गंभीर दुखापत झाली. मारहाण करून अल्पवयीन पसार झाले. गंभीर जखमी झालेल्या मुलाला रुग्णालयात दाखल करण्यात आले. त्याच्या डोक्याला गंभीर दुखापत झाली असून, पोलीस उपनिरीक्षक पूजा पाटील तपास करत आहेत.
किरकोळ वादातून गंभीर गुन्हे
अल्पवयीनांमधील किरकोळ वादातून गंभीर गुन्हे घडत आहेत. आठवड्यापूर्वी हडपसर भागातील एका शाळेत वार्षिक समारंभातील वादातून एका वर्गमित्राचा काचेच्या तुकड्याने गळा चिरल्याची घटना घडली होती. या घटनेत मुलगा गंभीर जखमी झाला होता. वर्षभरापूर्वी भवानी पेठेतील एका शाळेच्या आवारात वादातून शाळकरी मुलावर तीक्ष्ण शस्त्राने वार करण्यात आले होते.
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·