3 hours ago
2
ఇంగ్లాండ్ పై రవీంద్ర జడేజా అద్భుతంగా బౌలింగ్ చేసి కేవలం 26 పరుగులకు 3 వికెట్లు పడగొట్టాడు. ఈ ప్రదర్శనతో తన కెరీర్‌లోనే కాదు, భారత క్రికట్‌‌లోనూ భారీ మైలురాళ్లను సాధించాడు. నాగ్‌పూర్‌లో జడేజా ఏం అద్భుతాలు చేశాడో ఓసారి చూద్దాం..
Updated on: Feb 06, 2025 | 7:42 PM
రవీంద్ర జడేజా మైదానంలోకి వచ్చినప్పుడల్లా, అందరి దృష్టి అతని ఆల్ రౌండ్ ఆటపైనే ఉంటుంది. అతను తరచుగా బంతి, బ్యాట్ లేదా ఫీల్డింగ్‌తో అద్భుతాలు చేస్తూ కనిపిస్తుంటాడు. ఇంగ్లాండ్‌తో జరిగిన నాగ్‌పూర్ వన్డేలో కూడా అతను ఈ ఘనత సాధించాడు. ఈ ఎడమచేతి వాటం ఆటగాడు తన బౌలింగ్‌తో ఇంగ్లండ్ ప్లేయర్ల పాలిట విలన్‌లా మారాడు. నాగ్‌పూర్ వన్డేలో జడేజా 9 ఓవర్లలో కేవలం 26 పరుగులిచ్చి 3 వికెట్లు పడగొట్టాడు. ఈ ప్రదర్శనతో అతను నంబర్ 1 స్థానాన్ని సాధించాడు. జడేజాను నంబర్ 1 గా నిలిపిన విషయం ఏమిటో ఇప్పుడు తెలుసుకుందాం..
1 / 5
ఇంగ్లాండ్ పై మూడు వికెట్లు తీసిన తర్వాత రవీంద్ర జడేజా భారత్-ఇంగ్లాండ్ వన్డేల్లో అత్యధిక వికెట్లు తీసిన బౌలర్‌గా నిలిచాడు. అతను మొత్తం 40 వికెట్లు తీసిన జేమ్స్ ఆండర్సన్‌ను అధిగమించాడు. జడేజా ఇప్పుడు భారత్-ఇంగ్లాండ్ వన్డే మ్యాచ్‌లలో 41 వికెట్లు పడగొట్టాడు. ఇది మాత్రమే కాదు, జడేజా అంతర్జాతీయ క్రికెట్‌లో తన 600 వికెట్లను కూడా పూర్తి చేశాడు.
2 / 5
జడేజా టెస్టుల్లో 323 వికెట్లు, వన్డేల్లో 224, టీ20ల్లో 54 వికెట్లు పడగొట్టాడు. అంతర్జాతీయ క్రికెట్‌లో 6000 పరుగులు, 600 వికెట్లు తీసిన రెండవ భారతీయ ఆటగాడిగా జడేజా నిలిచాడు. అతని కంటే ముందు కపిల్ దేవ్ ఈ ఘనత సాధించాడు.
3 / 5
అంతర్జాతీయ క్రికెట్‌లో 600 కంటే ఎక్కువ వికెట్లు తీసిన భారత ఐదవ ఆటగాడు జడేజా. అంతర్జాతీయ క్రికెట్‌లో భారతదేశం తరపున అత్యధిక వికెట్లు (953) అనిల్ కుంబ్లే ఖాతాలో ఉన్నాయి. అశ్విన్ 765 వికెట్లు, హర్భజన్ 707 వికెట్లు పడగొట్టారు. కపిల్ దేవ్ 687 అంతర్జాతీయ వికెట్లు పడగొట్టాడు.
4 / 5
ఇంగ్లాండ్‌తో జరిగిన నాగ్‌పూర్ వన్డేలో జో రూట్‌ను అవుట్ చేయడం ద్వారా రవీంద్ర జడేజా తన పేరిట మరో భారీ రికార్డు సృష్టించాడు. ఈ ఆటగాడు అంతర్జాతీయ క్రికెట్‌లో 12వ సారి రూట్‌ను తన బాధితుడిగా చేసుకున్నాడు. కీలక విషయం ఏమిటంటే అతను స్టీవ్ స్మిత్‌ను 11 సార్లు అవుట్ చేశాడు.
5 / 5
.png "indianexpress.")
.png "khaleejtimes")
.png "arabnews")
.png "gulfnews"){kind=logo}
English (US) · 
Hindi (IN) ·