Renu Desai: రేణూ దేశాయ్‌కు ఏమైంది? సెలైన్ ఫొటోను షేర్ చేస్తూ షాకింగ్ పోస్ట్.. ఆందోళనలో ఫ్యాన్స్

టాలీవుడ్ ప్రముఖ నటి రేణూదేశాయ్ విడాకుల తర్వాత సింగిల్ గానే ఉంటోంది. తన పిల్లలు అకీరా నందన్, ఆద్యల బాగోగులు చూసుకుంటూ జీవితాన్ని గడిపేస్తోంది. అలాగే సామాజిక సేవా కార్యక్రమాల్లో కూడా చురుగ్గా పాల్గొంటోంది. అనాథ పిల్లలు, మూగ జీవాల కోసం తన వంతు సహాయం చేస్తుంటుంది. అలాగే తన ఫాలోవర్స్‌ని కూడా ఈ మంచి కార్యక్రమాల్లో భాగస్వాములు కావాలని సోషల్ మీడియా వేదికగా కోరుతూ ఉంటుంది. ఆ మధ్యన తన కూతురు ఆద్య పేరు మీదుగా శ్రీ ఆద్య యానిమల్‌ షెల్టర్‌’ అనే ఎన్జీవోను ప్రారంభించిందీ అందాల తార. మూగ జీవాల సంరక్షణ కోసం ఈ ఎజ్జీవోను ప్రారంభించినట్లు సోషల్ మీడియా వేదికగా చెప్పుకొచ్చింది. సోషల్ మీడియాలో యాక్టివ్ గా ఉండే రేణూ దేశాయ్ తాజాగా షేర్ చేసిన ఒక పోస్ట్ వైరల్ గా మారింది. ఇందులో సెలైన్ ఎక్కుతున్న వీడియోని షేర్ చేస్తూ..’ఆధునిక ఔషధం భౌతిక శరీరాన్ని సజీవంగా ఉంచుతుంది’ అంటూ ఒక క్యాప్షన్ కూడా ఇచ్చింది. అయితే ఈ సెలైన్ ఆమె ఎక్కించుకుంటుందో? లేదా మరెవరైనా ఎక్కించుకుంటున్నారా? అన్న విషయం మాత్రం వెల్లడించలేదు. ఇక ఈ వీడియో ప్రస్తుతం నెట్టింట వైరల్ గా మారింది. దీనిని చూసిన సినీ అభిమానులు, నెటిజెన్స్ అసలు రేణు దేశాయ్ కు ఏమైంది? అని ఆందోళన వ్యక్తం చేస్తున్నారు. భిన్న రకాలుగా స్పందిస్తూ కామెంట్లు పెడుతున్నారు.

కాగా పెళ్లి తర్వాత సినిమాలకు దూరంగా ఉంటున్న ఆమె రవితేజ నటించిన ‘టైగర్ నాగేశ్వరావు’ మూవీతో సెకెండ్ ఇన్నింగ్స్ స్టార్ట్ చేసింది. ఇందులో ఆమె పోషించిన హేమలతా లవణం పాత్రకు ప్రశంసలు కూడా వచ్చాయి. దీంతో రేణూ దేశాయ్ మళ్లీ సినిమాల్లో బిజీ అవుతుందనుకున్నారు చాలా మంది. కానీ అదేమీ జరగలేదు. టైగర్ నాగేశ్వర రావు సినిమా రిలీజై కూడా దాదాపు ఏడాది గడిచిపోయింది. ఆ మధ్యన మళ్లీ కెమెరా ముందుకు వెళ్లనున్నట్లు సోషల్ మీడియాలో ఒక పోస్ట్ పెట్టిందీ అందాల తార. అయితే అది సినిమా కోసమా? లేదా వెబ్ సిరీస్ కోసమా? లేదా ఏదైనా యాడ్ కోసమా? అన్నది మాత్రం క్లారిటీ ఇవ్వలేదు.

ఇవి కూడా చదవండి

రేణూ దేశాయ్ పోస్ట్..

మూగ జీవాలతో రేణూ దేశాయ్..

మరిన్ని సినిమా వార్తల కోసం ఇక్కడ క్లిక్ చేయండి.