हिंगोली तालुक्यातील १६७ शाळेत १७९६३ विद्यार्थी संख्या
हिंगोली (School uniform) : शासकीय व स्थानिक स्वराज्य संस्थेच्या शाळेतील इयत्ता पहिली ते आठवीतील विद्यार्थ्यांना मोफत (School uniform) गणवेश वाटपाचे शासनाचे आदेश असताना हिंगोली तालुक्यातील १६७ शाळांना गणवेश वाटप झालेच नव्हते. २७ सप्टेंबर रोजी तालुक्यातील १३ केंद्रस्तरावर गणवेश वाटप केले; परंतु सन २०२२-२३ च्या आकडेवारी नुसार गणवेश उपलब्ध झाले तर सध्या विद्यार्थी संख्या अधिक असल्याने अनेक विद्यार्थी गणवेशापासून वंचित राहणार आहेत.
१५ जूनला शाळेचे नवीन सत्र सुरू झाले. त्या दिवशी विद्यार्थ्यांना गणवेश (School uniform) वाटपाचे शासनस्तरावरून आदेश दिलेले आहेत; परंतु हिंगोली तालुक्यातील १६७ शाळेतील १७ हजार ९६३ विद्यार्थ्यांना अद्यापपर्यंत गणवेश वाटप झालेच नव्हते. शैक्षणिक सत्र जवळपास अर्धे पूर्ण होण्यास काही दिवसाचा अवधी राहिला आहे; परंतु गणवेश वाटप झाले नसल्याने पालकांसह विद्यार्थ्यांतून ओरड सुरू होती. त्यामुळे शालेय स्तरावर मुख्याध्यापक, शिक्षकांची डोकेदुखी वाढली होती. महिला आर्थिक विकास महामंडळाकडून गणवेश उपलब्ध झाल्यानंतर २७ सप्टेंबर रोजी तालुक्यातील १३ केंद्रस्तरावर गणवेश वाटप करण्यात आले. विशेष म्हणजे हे गणवेश सन २०२४-२५ मधील विद्यार्थी संख्येनुसार उपलब्ध होणे आवश्यक असताना सन २०२२-२३ नुसारच्या विद्यार्थी संख्येनुसार गणवेश उपलब्ध करून देण्यात आले. त्यामुळे अद्याप अनेक विद्यार्थी गणवेशापासू वंचित राहणार आहेत. हे गणवेश केंद्रस्तरावर उपलब्ध झाल्यानंतर आता काही दिवसात शाळास्तरावर वाटप होणार आहेत.
शैक्षणिक वर्ष जवळपास अर्धे पूर्ण होऊन सुद्धा विद्यार्थ्यांना शालेय गणवेश वाटप करण्यात आले नाही. हिंगोली तालुक्यातील १७९६३ विद्यार्थी संख्येनुसार गणवेश उपलब्ध होणे आवश्यक असताना सन २०२२-२३ च्या विद्यार्थी संख्येनुसार गणवेश उपलब्ध झाल्याने काही विद्यार्थी (School uniform) गणवेशपासून वंचित राहणार आहेत.
मुख्याध्यापक, शिक्षकांची डोकेदुखी
गणवेश कसेबसे उपलब्ध झाले, चालू शैक्षणिक वर्षातील विद्यार्थी संख्येनुसार (School uniform) गणवेश उपलब्ध होणे आवश्यक होते; परंतु हे गणवेश कमी उपलब्ध झाल्याने कोणाला द्यावे व कोणाला देऊ नये असा पेचप्रसंग निर्माण झाला आहे. आदेशाची पायमली शाळा उघडण्याच्या पहिल्याच दिवशी मोफत गणवेश वाटप आवश्यक असताना आदेशाची पायमली केली जात आहे.
पाचवी ते सातवीच्या विद्यार्थ्यांना पॅन्टऐवजी हाफ चड्डीचा गणवेश
पाचवी ते सातवीच्या विद्यार्थ्यांना पॅन्ट व शर्ट हा (School uniform) गणवेश बंधनकारक करण्यात आलेला आहे. शुक्रवारी वाटप केलेल्या गणवेशामध्ये पाचवी ते सातवीच्या विद्यार्थ्यांना पॅन्ट ऐवजी हाफ चड्डी व शर्ट असा गणवेश उपलब्ध झाला आहे. त्यामुळे ज्या विद्यार्थ्यांना गणवेश मिळूनही फायदा होणार नाही. समग्र शिक्षण व राज्यशासनाच्या मोफत गणवेश योजनेचा असा हा गोंधळ शिक्षक, मुख्याध्यापकासाठी डोकेदुखीचा ठरत आहे.