Smart TV: వావ్‌ కళ్లు చెదిరే ఆఫర్‌.. రూ. 28 వేలకే 50 ఇంచెస్‌ స్మార్ట్ టీవీ

ప్రస్తుతం స్మార్ట్‌ టీవీల వినియోగం భారీగా పెరిగిపోయింది. ఓటీటీ సేవలు అందుబాటులోకి రావడంతో ఇంట్లోనే పెద్ద స్క్రీన్స్‌లో సినిమాలను వీక్షించే వారి సంఖ్య పెరుగుతోంది. అయితే ఒకప్పుడు పెద్ద స్క్రీన్స్‌ను కొనుగోలు చేయాలంటే లక్షల్లో చెల్లించాల్సి ఉండేది. ముఖ్యంగా సామ్‌సంగ్‌, ఎల్‌జీ వంటి కంపెనీలకు చెందిన స్మార్ట్‌ టీవీలు లక్షల్లో పలికేవి. కానీ ప్రస్తుతం కంపెనీల మధ్య నెలకొన్న పోటీ నేపథ్యంలో టీవీ ధరలు భారీగా తగ్గుముఖం పట్టాయి.

అలాగే ఈ కామర్స్‌ సంస్థలు సైతం స్మార్ట్‌ టీవీలపై కళ్లు చెదిరే డిస్కౌంట్స్‌ను అందిస్తున్నాయి. తాజాగా ప్రముఖ ఈ కామర్స్‌ సైట్ అమెజాన్‌లో ఇలాంటి ఓ బెస్ట్‌ డీల్‌ లభిస్తోంది. 55 ఇంచెస్‌ల టీవీని కేవలం రూ. 28 వేలకే సొంతం చేసుకునే అవకాశం కల్పించారు. ఇంతకీ ఏంటీ టీవీ.? దీంట్లో ఉన్న ప్రత్యేకతలు ఏంటి.? లాంటి పూర్తి వివరాలు ఇప్పుడు తెలుసుకుందాం..

Blaupunkt 50 ఇంచెస్‌ టీవీ అసలు ధర రూ. 49,999గా ఉండగా ప్రస్తుతం అమెజాన్‌లో 42 శాతం డిస్కౌంట్‌తో కేవలం రూ. 28,999కే లభిస్తోంది. అయితే ఈ ఆఫర్‌ ఇక్కడితోనే ఆగిపోలేదు. ఐసీఐసీ కార్డుతో కొనుగోలు చేస్తే సుమారు రూ. 1000 వరకు అదనంగా డిస్కౌంట్‌ లభిస్తుంది. దీంతో ఈ టీవీని కేవలం రూ. 28 వేలకే సొంతం చేసుకోవచ్చు. అయితే ధర తక్కువని ఫీచర్ల విషయంలో రాజీ పడాల్సి అవసరం లేదు ఇందులో మంచి ఫీచర్లనే అందించారు.

50 ఇంచెస్‌ స్క్రీన్‌తో వచ్చే ఈ స్మార్ట్‌ టీవీలో క్యూఎల్‌ఈడీ డిస్‌ప్లే టెక్నాలజీని అందించారు. 4కే రిజల్యూషన్‌ స్క్రీన్‌, 60 హెచ్‌జెడ్‌ రిఫ్రెష్‌ రేట్‌ ఈ స్క్రీన్‌ సొంతం. ఇక ఇందులో ప్రత్యేకంగా డీటీఎస్‌ ట్రూ సరౌండ్‌ స్పీకర్లను అందించారు. సైబర్‌ సౌండ్‌ జెన్‌ 2 టెక్నాలజీ ఈ టీవీ ప్రత్యేకతగా చెప్పొచ్చు. అలాగే కనెక్టివిటీ విషయానికొస్తే ఇందులో వైఫై, యూఎస్‌బీ, ఇథర్‌ నెట్‌, హెచ్‌డీఎమ్‌ఐ వంటి ఫీచర్లను అందించారు. ఈ టీవీలో నెట్‌ఫ్లిక్స్‌, ప్రైమ్‌వీడియో, యూబ్యూట్‌, యాపిల్‌ టీవీ, డిస్నీ+హాట్‌స్టార్‌ వంటి ఇన్‌బిల్ట్‌ యాప్స్‌ను అందించారు. కంపెనీ ఈ టీవీపై ఏడాది వారంటీ అందిస్తోంది.

మరిన్ని టెక్నాలజీ వార్తల కోసం క్లిక్ చేయండి..