Tollywood: తల్లి బ్యాంక్ లోన్ తీర్చేందుకు సినిమాల్లోకి.. ఇప్పుడు ఏకంగా పాన్ ఇండియా హీరో.. గుర్తు పట్టారా?

2 hours ago 1

పై ఫొటోలో ఉన్న పిల్లాడిని గుర్తు పట్టారా? ఈ అబ్బాయి ఇప్పుడు పాన్ ఇండియా స్టార్ హీరో. లవ్, రొమాన్స్, కామెడీ, యాక్షన్, ఫ్యామిలీ.. ఇలా అన్నా జానర్ల సినిమాలకు సరిపోతాడీ హ్యాండ్సమ్ హీరో. అందుకే ఈ నటుడికి దక్షిణాదిలో మస్త్ క్రేజ్ ఉంది. భాషతో సంబంధం లేకుండా అశేష అభిమానులను సొంతం చేసుకున్నాడు. తన నటనా ప్రతిభకు ప్రతీకగా జాతీయ అవార్డు కూడా సొంతం చేసుకున్నాడు. త్వరలోనే మరో పాన్‌ ఇండియా మూవీతో ప్రేక్షకులను పలకరించనున్నాడు. అయితే ఈ స్టార్ హీరో సినిమా జర్నీనే చాలా ఆసక్తికరం. ఎందుకంటే ఈ నటుడు కూడా ఒక సామాన్యుడిలానే కెరీర్ ప్రారంభించారు. రూ.750 జీతానికి ఒక గార్మెంట్ ఫ్యాక్టరీలో పని చేశాడు. అదే సమయంలో తన తల్లి బ్యాంక్ లోన్ తీర్చేందుకు అనుకోకుండా సినిమా ఇండస్ట్రీలోకి వచ్చాడు. ఇప్పుడు ఏకంగా పాన్ ఇండియా సూపర్ స్టార్ గా ఎదిగిపోయాడు. అతను మరెవర కాదు త్వరలోనే కంగువాతో మనల్ని పలకరించేందుకు వస్తోన్న కోలీవుడ్ స్టార్ హీరో సూర్య. ప్రస్తుతం తన సినిమా ప్రమోషన్లలో బిజీగా ఉన్నాడీ ట్యాలెంటెడ్ హీరో. ఈ సందర్భంగా తన పర్సనల్ అండ్ ప్రొఫెషనల్ లైఫ్ గురించి పలు ఆసక్తికర విషయాలు పంచుకున్నాడు.

నటుడు కాకముందు సూర్య శిక్షణ పొందుతూ గార్మెంట్ కంపెనీలో పని చేసేవాడు. 15 రోజులకు 750 రూపాయలు సంపాదించేవాడు. అక్కడే పని కొనసాగించి ఉంటే మూడేళ్ల తర్వాత ప్రతినెలా 8 వేల రూపాయల జీతం వచ్చేది. అయితే ఏదో ఒకరోజు సొంతంగా కంపెనీ పెట్టాలనేది అతని ఆలోచన. ఇక సూర్య తండ్రి శివకుమార్ కూడా నటుడే. అయితే శివకుమార్‌కు తెలియకుండా తల్లి లక్ష్మి రూ.25 వేలు బ్యాంకులో రుణం తీసుకుంది. 90వ దశకంలో అది భారీ మొత్తం. ఆ రుణం ఎలాగైనా తీర్చాలనే ఉద్దేశంతో సినిమాల్లో నటించేందుకు అంగీకరించాడు సూర్య. అలా 1997లో విడుదలైన ‘నెరుక్కు నాయర్’ చిత్రంలో తొలిసారిగా సిల్వర్ స్క్రీన్ పై కనిపించాడు సూర్య. విక్రమ్ శివ పుత్రుడు తదితర సినిమాల్లో తన నటనతో ఆడియెన్స్ ను మెస్మరైజ్ చేశాడు. ఈక్రమంలోనే స్టార్ హీరోగా ఎదిగిపోయాడు.

సూర్య నటించిన ‘కంగువా’ నవంబర్ 14న విడుదల కానుంది. ఈ తమిళ చిత్రం పలు భాషల్లోకి డబ్ అవుతోంది. ఈ సినిమాలో బాబీ డియోల్, దిశా పటానీ వంటి బాలీవుడ్ నటులు కూడా కీలక పాత్రలు పోషించారు. ఈ చిత్రంలో సూర్య ప్రత్యేక గెటప్‌లో కనిపిస్తున్నాడు. దీంతో అభిమానులపై భారీ అంచనాలు ఉన్నాయి.

కంగువా ప్రమోషన్లలో సూర్య..

The heartthrob @Suriya_offl is present successful Hyderabad for #Kanguva Telugu promotions. 🤩🤩#Suriya #ShreyasMedia #ShreyasGroup pic.twitter.com/zEonAQcW78

— Shreyas Media (@shreyasgroup) October 24, 2024

మరిన్ని సినిమా వార్తల కోసం ఇక్కడ క్లిక్ చేయండి.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article