Vastu Tips: ఇంట్లో కామధేను విగ్రహం పెట్టుకుంటున్నారా.. ఏ దిశలో పెట్టుకోవడం శుభప్రదం అంటే..

2 hours ago 1

సనాతన ధర్మంలో ఆవుని గోమాతగా పూజిస్తూ తల్లి స్థానం ఇచ్చారు. ఆవు పాలను అమృతం అని పిలుస్తారు. అంతేకాదు ఆవు మూత్రం, ఆవు పేడ కూడా పవిత్రంగా పరిగణించబడుతుంది. అమృత మధనం జరుగుతున్న సమయంలో జన్మించిన ఆవును కామధేనువు అని పిస్తారు. హిందూ పురాణాలలో ఈ కామధేనువు లో సకల దేవతలు కొలువై ఉంటారని.. కోరికలు తీర్చే ఆవు అని కూడా అంటారు. అయితే ఇంట్లో కామధేను ఆవు దూడ విగ్రహం లేదా బొమ్మని పెట్టుకుంటే దానికి కూడా వాస్తు నియమాలున్నాయి.

Surya Kala

హిందూ పురాణాలలో కామదేనుకి విశిష్ట స్థానం ఉంది. కామధేను సమృద్ధి, శ్రేయస్సు, విజయానికి పవిత్ర చిహ్నం. కామధేనువు సంపద, శ్రేయస్సు, ఆనందం , శాంతికి చిహ్నంగా పరిగణించబడుతుంది. ప్రస్తుతం ప్రజలు కామధేను ఆవు విగ్రహాన్ని తమ కార్యాలయంలో, దుకాణంలో లేదా డబ్బు ఉన్న ప్రదేశంలో పెట్టుకుంటున్నారు. అయితే కామధేను ఆవు దూడ విగ్రహాన్ని పెట్టుకోవడానికి కూడా కొన్ని వాస్తు నియమాలున్నాయి. ఈ వాస్తు ప్రకారం కామధేను ఆవు విగ్రహాన్ని ఆఫీసులు లేదా దుకాణాలు కాకుండా ఇంట్లో ఉంచాలా వద్దా ఒకవేళ ఇంట్లో విగ్రహం పెట్టుకోవాలంటే వాస్తు నియమాలు ఏమిటో తెలుసుకుందాం..

కామధేనువు విగ్రహాన్ని ఇంట్లో ఉంచుకోవచ్చా.. పూజ గదిలో కామధేనువు విగ్రహాన్ని ఉంచడం చాలా శుభప్రదంగా భావిస్తారు. విగ్రహాన్ని శ్రీ హరి విష్ణు , లక్ష్మీదేవి దగ్గర ఉంచాలి. కామధేనువు విగ్రహాన్ని ఇంట్లో ఉంచుకుంటే ఇంట్లో పాజిటివ్ ఎనర్జీ వస్తుంది. దీన్ని ఉంచడం వల్ల కుటుంబంలో ఆనందం, శ్రేయస్సు , శాంతి లభిస్తుంది. ఆదాయం విషయంలో ఏమైనా అడ్డంకులు ఏర్పడితే అవి తొలగిపోతాయి

వాస్తు శాస్త్రం ప్రకారం ఇంటికి ఈశాన్య దిక్కు శుభప్రదంగా పరిగణించబడుతుంది. కామధేనువు విగ్రహాన్ని ఈశాన్య దిశలో ఉంచడం వల్ల సానుకూల శక్తి పెరుగుతుంది. మీరు దానిని పూజ స్థలంలో ఉంచలేకపోతే ఇంట్లోని డ్రాయింగ్ రూమ్‌లో ఉంచండి. విగ్రహంలో ఆవు దాని దూడను కలిగి ఉండటం కూడా శుభప్రదంగా భావిస్తారు. వ్యాపారంలో పురోగతి, శ్రేయస్సు పొందడానికి ఆఫీసులో కూర్చున్న ప్రదేశంలో కుడి లేదా ఎడమ వైపున కామధేను ఆవు విగ్రహాన్ని ఉంచవచ్చు. అంతేకాదు వ్యాపార స్థలంలో డబ్బు ఉంచే ప్రదేశంలో కామధేనుడి విగ్రహాన్ని కూడా ఉంచవచ్చు.

కామధేను చాలా పవిత్రమైనది. పూజనీయమైనదిగా భావిస్తారు, అందుకే విగ్రహాన్ని టాయిలెట్ దగ్గర ఎప్పుడూ ఉంచకూడదు. ఇలా చేయడం వల్ల మీరు ఆర్థిక సమస్యలను ఎదుర్కోవలసి రావచ్చు. అంతేకాదు కామధేను ఆవు విగ్రహాన్ని గాజు షోకేసులో ఉంచకూడదు. ఇంట్లో ఒకే ఒక్క కామధేను విగ్రహం లేదా చిత్రం మాత్రమే ఉండాలని గుర్తుంచుకోండి.

పురాణాల ప్రకారం కామధేను కోరికలను తీరుస్తుంది. కామధేను ఆవు విగ్రహాన్ని చూస్తే చాలు పాజిటివ్ ఎనర్జీ పెరుగుతుందని చెబుతారు. కామధేను ఆవు విగ్రహం మనిషి మనస్సు లోని చింత, ఒత్తిడిని తొలగిస్తుంది.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article