Vitamins Deficiency: ఒంట్లో ఈ విటమిన్లు లోపిస్తే రోగాలు వరుసగా అటాక్‌ చేస్తాయ్‌.. జరపైలం!

విటమిన్ లోపం శరీరం పనితీరును ప్రభావితం చేస్తుంది. WHO ప్రకారం.. ప్రపంచంలో సుమారు 200 మిలియన్ల మంది ప్రజలు అవసరమైన విటమిన్లు, ఖనిజాల లోపాలతో బాధపడుతున్నారు. విటమిన్లు శరీరానికి చాలా ముఖ్యమైన సూక్ష్మపోషకాలు. ఇవి కణాల సరైన పనితీరుకు, వాటి పెరుగుదలకు అవసరం. శక్తి ఉత్పత్తి, రోగనిరోధక పనితీరు, రక్తం గడ్డకట్టడం, ఎముకలు, కణజాలాల నిర్వహణలో విటమిన్లు ముఖ్యమైన పాత్ర పోషిస్తాయి. శరీరం ఆహారం, ఇతర వనరుల నుండి విటమిన్లను పొందుతుంది. అయితే శరీరంలో ఈ విటమిన్ల లోపం ఉంటే మాత్రం రకాల సమస్యలు పుట్టుకొస్తాయి. శరీరంలో ఈ విటమిన్ల లోపం అస్సలు ఉండకూడదు

1 / 5

విటమిన్ బి మెదడుకు ముఖ్యమైనది. ఈ విటమిన్ సహాయంతో మన మెదడు చురుగ్గా పని చేస్తుంది. విటమిన్ B-12, ఇతర B విటమిన్లు శరీరానికి చాలా ముఖ్యం. విటమిన్ B12 లోపం వల్ల అలసట, బలహీనత, జ్ఞాపకశక్తి సమస్యలు, నిద్రలేమి, చర్మ సంబంధిత వ్యాధులు సంభవిస్తాయి. దీని లోపాన్ని అధిగమించడానికి చికెన్, మాంసం, గుడ్లు, పుట్టగొడుగులు, అరటిపండ్లు, గింజలు తినవచ్చు.

2 / 5

విటమిన్ సి కూడా శరీరానికి చాలా ముఖ్యం. ఇది ఫ్రీ రాడికల్స్ నుంచి శరీరాన్ని రక్షించడానికి పనిచేసే శక్తివంతమైన యాంటీఆక్సిడెంట్. ఇది రోగనిరోధక శక్తిని బలపరుస్తుంది. శరీరం ఐరన్‌ను గ్రహించడంలో సహాయపడుతుంది. ఈ విటమిన్ లోపం వల్ల శరీరంలో ఐరన్ తక్కువగా ఉండి, రక్తహీనతకు దారి తీస్తుంది.

3 / 5

అంతేకాకుండా, ఈ విటమిన్ లోపం బలహీనమైన రోగనిరోధక శక్తి, చర్మ సమస్యలు, ఎముకల బలహీనత, నోటి వ్యాధులకు దారితీస్తుంది. ఈ విటమిన్ పెరుగుదలకు క్యాప్సికమ్, పుట్టగొడుగులు,క్యాబేజీ, పాలకూర, నారింజ, గూస్బెర్రీస్, టమోటాలు వంటి పుల్లని పండ్లను తినవచ్చు.

4 / 5

విటమిన్ డి లోపం వల్ల పెద్దలకు ఆస్టియోపోరోసిస్, పిల్లల్లో రికెట్స్ వంటి వ్యాధులు వచ్చే ప్రమాదం ఉంది. శరీరంలో కాల్షియం శోషణకు విటమిన్ డి కూడా అవసరం. దీని లోపం వల్ల ఆందోళన, అధిక బీపీ, ఎముకల బలహీనత, మానసిక ఒత్తిడి, మధుమేహం, గుండె జబ్బులు వస్తాయి. దీనిని నివారించడానికి ప్రతి ఉదయం కొంత సమయం పాటు సూర్యకాంతిలో కూర్చోవాలి. ఎందుకంటే సూర్యరశ్మి ద్వారా విటమిన్ డి అధిక మొత్తంలో వస్తుంది. అంతేకాకుండా, గుడ్డు పచ్చసొన, కొవ్వు చేపల నుంచి కూడా ఈ విటమిన్ పొందవచ్చు.

5 / 5