Watch Video: యువకుడికి కార్డియాక్‌ అరెస్ట్.. ఫ్రెండ్స్‌తో మాట్లాడుతూ కుప్పకూలి మృతి! వీడియో వైరల్

2 hours ago 1

రేవా, అక్టోబర్‌ 28: అప్పటి వరకూ ఫ్రెండ్స్‌తో జోకులు వేస్తూ.. నవ్వుతూ సరదాగా మాట్లాడిన యువకుడు స్నేహితుల ముందే కుప్పకూలి మరణించాడు. ఏం జరిగిందో తెలుసుకునేలోపు అంతా జరిగిపోయింది. ఈ షాకింగ్‌ ఘటన మధ్యప్రదేశ్‌లోని రేవా ప్రాంతంలో చోటు చేసుకుంది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది. వివరాల్లోకెళ్తే..

మధ్యప్రదేశ్‌లోని రేవాకు చెందిన ఐదుగురు స్నేహితులు సిర్మౌర్ కూడలిలో ఉన్న ఒక దుకాణంలో కూర్చుని కబుర్లు చెప్పుకుంటూ ఉండటం వీడియోలో కనిపిస్తుంది. అందరూ జోకులు వేసుకుంటూ సరదాగా మాట్లాడుకుంటూ ఉంటారు. ఇంతలో ప్రకాష్ సింగ్ బఘెల్ (31) అనే వ్యక్తి ఉన్నట్లుండి కుర్చీలో నుంచి ముందుకు ఒరిగిపోవడం వీడియోలో కనిపిస్తుంది. సరదాగా పడిపోయాడని భావించారేమో.. చుట్టూ ఉన్న స్నేహితులు మాత్రం కొన్ని సెకన్లపాటు షాకింగ్‌గా చూస్తూ ఉండిపోతారు. ఆ తర్వాత తేరుకుని కంగారుగా ప్రకాశ్‌ను లేపి కుర్చీలో కూర్చేబెట్టే ప్రత్నం చేస్తారు. అయినా అతడు ముందుకు పడిపోవడం వీడియోలో కనిపిస్తుంది. దీంతో తీవ్ర భయాందోళనలకు గురైన అతడి స్నేహితులు ప్రకాశ్‌ ముఖంపై నీళ్లు చల్లి, లేపేందుకు ప్రయత్నిస్తారు. కానీ అతనిలో ఎలాంటి స్పందన కనబడదు. దీంతో అతడి స్నేహితులు నేలపై వెల్లకిలా పడుకోబెట్టి, ఛాతీపై చేతులు వేసి సీపీఆర్‌ చేసేందుకు ప్రయత్నిస్తారు. అలా ఒకరి తర్వాత ఒకరు సీపీఆర్‌ చేస్తారు. అయినా ఫలితం కనిపించకపోవడంతో.. హుటాహుటీన సమీపంలోని ఆసుపత్రికి తరలించారు.

ఇవి కూడా చదవండి

#Watch: मध्य प्रदेश के रीवा जिले से एक हैरान करने वाला वीडियो सामने आया है। दोस्तों के साथ हंसते-बोलते हुए एक युवक अचानक नीचे गिर जाता है और उसकी मौके पर ही मौत हो जाती है। इस घटना का वीडियो तेजी से वायरल हो रहा है। डॉक्टर ने मौत का कारण हार्ट अटैक बताया है।#MadhyaPradesh #Rewa pic.twitter.com/MFhYvnMW1d

— Hindustan (@Live_Hindustan) October 24, 2024

ఆసుపత్రిలోని వైద్యులు అతన్ని పరిశీలించి మృతి చెందినట్లు ధృవీకరించారు. ప్రకాశ్‌ సడెన్‌ కార్డియాక్ అరెస్ట్ వల్ల మరణించినట్లు వైద్యులు వెల్లడించారు. దీనిపై ప్రకాష్ సోదరుడు మాట్లాడుతూ.. అతనికి గతంలో ఎటువంటి గుండె సంబంధిత వ్యాధులు లేవని, చాలా యాక్టివ్‌గా పనులు చేస్తాడని, ఆరోగ్యకరమైన ఆహారం తీసుకుంటానని వైద్యులకు తెలిపాడు. ఈ ఘటన అక్టోబర్ 20న చోటు చేసుకోగా ఆలస్యంగా వెలుగులోకి వచ్చింది. ఇందుకు సంబంధించిన సీసీటీవీ వీడియో ఫుటేజీ సోషల్ మీడియాలో వైరల్‌గా మారింది.

మరిన్ని జాతీయ వార్తల కోసం క్లిక్‌ చేయండి.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article