اننت ناگ؛ ٹپر کی زد میں آکر 45 سالہ شخص جاں بحق

اننت ناگ// جنوبی کشمیر کے ضلع اننت ناگ کے علاقے اوموہ ویری ناگ میں منگل کی صبح ایک 45 سالہ شخص ٹپر کی زد میں آکر جاں بحق ہو گیا۔
حکام نے بتایا کہ مذکورہ شخص کو آج صبح سویرے اوموہ ویری ناگ کے قریب ٹپر نے ٹکر مار دی جس کے نتیجے میں وہ موقع پر ہی دم توڑ گیا۔
حادثے کے بعد گاڑی کا ڈرائیور موقع سے فرار ہو گیا۔
جاں بحق شخص کی شناخت محمد شفیع خان (45) ولد محمد یعقوب خان ساکن اوموہ ویری ناگ کے طور پر ہوئی ہے۔
دریں اثنا، پولیس نے اس سلسلے میں مقدمہ درج کرکے تحقیقات شروع کر دی ہیں۔