فلسطین میں جنگ بندی کی جائے :ڈاکٹر فاروق

سرینگر// نیشنل کانفرنس صدر ڈاکٹر فاروق عبداللہ نے لبنان اور اسرائیل کے درمیان جنگ بندی معائدہ کا خیرمقدم کرتے ہوئے کہا کہ جنگ و جدل اور لڑائیوں ، تشدد کا نتیجہ آخر کار اقوام اور ممالک کی تباہی ثابت ہوئی ہے جیسے جنگ عظیم اور دیگر جنگوں میں ہوا۔ ڈاکٹر فاروق ، جو ان دنوں عمرہ کے سلسلے میں مکہ میں قیام پذیر ہیں، نے اُمید ظاہر کیا کہ فلسطین اور اسرائیل کے درمیان بھی جنگ بندی کا اعلان کیا جائے گا اور اس پر سختی سے عمل ہوگا۔ انہوں نے تمام امن پسند ممالک بالخصوص اسلامی ممالک کے سربراہوں اور یو این او کے جنرل سکریٹری سے اپیل کی کہ ہٹلر کے طرز حکمران اسرائیل کی طرف سے معصوم فلسطینیوں پر گذشتہ ایک سال سے اسرائیلی بمباری، جنگ جرائم اور نسل کشی بند کرنے کیلئے اقدامات کرے۔ انہوںنے مسلم ممالک سے اتحاد و اتفاق کی اپیل کرتے ہوئے فلسطینیوں کی مدد کیلئے آگے آنے کی اپیل کی۔