ممبراسمبلی گلاب گڑھ کا چسانہ حسوت کا دورہ

زاہد بشیر

مہور// ممبراسمبلی گلاب گڑھ چوہدری انجینئر خورشید احمد نے تحصیل چسانہ کی دور دراز پنچایت حسوت۔بی میں عید گاہ ستھری کے مقام پر عوامی جلسہ سے خطاب کیا۔ عوام نے ممبراسمبلی موصوف کے سامنے لوگوں نے بجلی، پانی،راشن، سڑک، صحت اور تعلیم سے متعلق مختلف مسائل پیش کئے ۔ موصوف نے عوام کے مسائل کو گہرائی سے سننے اور عوام سے خطاب کرتے ہوئے انہوں نے یقین دلایا کہ ان کے ہر جائز مطالبہ پر سختی سے غور کیا جائے گا اور ان کا حل ترجیح بنیادوں پر کیا جائے گا۔ انہوں نے کہا کہ بجلی، پانی،راشن،سڑک،صحت اور تعلیم کے مسائل عوام کے بنیادی مسائل ہیں اور ان کے فوری حل کی ضرورت ہے۔ انہوں نے عوام کو یقین دلایا کہ جاری ترقیاتی پروجیکٹوں کو جلد مکمل کروایا جائے گا اور نئے ترقیاتی پروجیکٹوںکا تخمینہ بنا کر ان پر بھی کام شروع کیا جائے گا۔