مودی 3ممالک کے دورے پر روانہ | جی20اجلاس میں شرکت کریں گے

یو این آئی

نئی دہلی//وزیر اعظم نریندر مودی جی 20سربراہی اجلاس میں شرکت کے لیے ہفتہ کو برازیل، نائیجیریا اور گیانا کے پانچ روزہ دورے پر روانہ ہو گئے۔ایک خصوصی پرواز میں پالم ایئر بیس سے روانگی سے پہلے اپنے بیان میں مودی نے جی-20 سربراہی اجلاس پر گلوبل ساتھ کی ترجیحات اور ‘ایک زمین، ایک کنبہ، ایک مستقبل’ کے ہندوستان کے وژن کو ذہن میں رکھتے ہوئے معنی خیز انداز میں تبادلہ خیال کی امید کا اظہار کیا۔ مودی نے کہا، ”میں نائجیریا، برازیل اور گیانا کے پانچ روزہ دورے پر جا رہا ہوں۔ صدر بولا احمد ٹینوبو کی دعوت پر یہ نائیجیریا کا میرا پہلا دورہ ہو گا، جو مغربی افریقی خطے میں ہمارا قریبی ساتھی ہے۔ میرا دورہ ہماری اسٹریٹجک شراکت داری کو آگے بڑھانے کا ایک موقع ہو گا جو جمہوریت اور تکثیریت میں مشترکہ یقین پر مبنی ہے۔ میں ہندوستانی برادری اور نائجیریا کے دوستوں سے ملنے کا بھی منتظر ہوں جنہوں نے مجھے ہندی میں گرمجوشی سے خیرمقدم کے پیغامات بھیجے ہیں۔ مودی نے کہا، “برازیل میں میں 19ویں جی-20 چوٹی کانفرنس میں بطور ٹروئکا رکن شرکت کروں گا۔ پچھلے سال ہندوستان کی کامیاب صدارت نے جی-20 کو لوگوں کے جی-20 کی شکل میں اوپر اٹھایا اور گلوبل ساتھ کی ترجیحات کو اپنے ایجنڈے میں مرکزی دھارے میں شامل کیا۔ اس سال برازیل نے ہندوستان کی وراثت کو آگے بڑھایا ہے۔ میں ‘ایک زمین، ایک کنبہ، ایک مستقبل’ کے ہمارے وژن کو ذہن میں رکھتے ہوئے ایک نتیجہ خیز بات چیت کا منتظر ہوں۔
میں اس موقع کو دوطرفہ تعاون کو آگے بڑھانے کے لیے کئی دوسرے رہنماں کے ساتھ تبادلہ خیال کرنے کے لیے بھی استعمال کروں گا۔ مودی نے کہا، صدر محمد عرفان علی کی دعوت پر گیانا کا میرا دورہ 50 سال سے زائد عرصے میں کسی ہندوستانی وزیر اعظم کا پہلا دورہ ہوگا۔ ہم مشترکہ وراثت، ثقافت اور اقدار پر مبنی اپنے منفرد تعلقات کو اسٹریٹجک سمت دینے کے بارے میں خیالات کا تبادلہ کریں گے۔ میں سب سے پرانے ہندوستانی تارکین وطن میں سے ایک کو خراج تحسین پیش کروں گا، جس نے 185 سال سے زیادہ پہلے ہجرت کی تھی اور انکی پارلیمنٹ سے خطاب میں ایک ساتھی جمہوریت کو شامل کروں گا۔انہوں نے کہا، “اس دورے کے دوران میں دوسری انڈیا-کیریکوم سمٹ کے لیے کیریبین پارٹنر ممالک کے رہنماں کے ساتھ بھی شامل ہوں گا۔ ہم ہر خوشی اور غم میں ساتھ کھڑے ہیں۔ سربراہی اجلاس ہمیں تاریخی تعلقات کی تجدید اور نئے شعبوں میں اپنے تعاون کو وسعت دینے کے قابل بنائے گا۔