پاکستان :گھر والوں سے چھپ کر رہ رہے مرد اور خاتون کی فائرنگ سے موت

اسلام آباد: پاکستان کے شہر کراچی میں نیپئر روڈ پر نامعلوم افراد کی فائرنگ سے گھر والوں سے چھپ کر رہ رہے خاتون اور مرد کی موت ہوگئی ۔ دونوں کا تعلق باجوڑ ایجنسی سے تھا۔۔

جنگ نیوز کے مطابق نیپر روڈ پر میوہ شاہ مسجد کے قریب فائرنگ سے ایک خاتون اور ایک مرد شدید زخمی ہوگئے اور اسپتال کے راستے میں دم توڑگئے۔

پولیس کا بتانا ہے کہ خاتون اور مرد رکشا میں کلفٹن سے آئے تھے، ان کے تعاقب میں موٹر سائیکل سوار ملزمان بھی تھے، جیسے ہی رکشا لی مارکیٹ میوا شاہ روڈ پہنچا اور دونوں اترے تو ملزمان نے فائرنگ کردی۔

جاں بحق ہونے والے مرد کی شناخت عطاءاللّٰہ کے نام سے ہوئی جبکہ خاتون کی شناخت نہیں ہوسکی۔

دونوں کا تعلق باجوڑ ایجنسی سے تھا اور وہ کراچی میں گھر والوں سے چھپ کر رہ رہے تھے۔

خاتون پہلے سے شادی شدہ تھی، جبکہ مقتول عطاء اللّٰہ کے گھر والوں نے لاش لینے سے انکار کرتے ہوئے پولیس کو لاش کو لاوارث دفنانے کا کہہ دیا ہے۔

ہمیں فالو کریں