ڈونلڈ ٹرمپ امریکہ کے 47 ویں صدر منتخب

2 weeks ago 1

ری پبلکن امیدوار ڈونلڈ ٹرمپ امریکہ کے 47 ویں صدر منتخب ہوگئے ہیں۔ وائس آف امریکہ کی گتنی کے مطابق اب تک کے آنے والے نتائج میں ڈونلڈ ٹرمپ نے 277 الیکٹورل ووٹ حاصل کر لیے ہیں۔ صدارتی انتخاب میں کامیابی کے لیے 270 الیکٹورل ووٹ درکار تھے۔

ڈونلڈ ٹرمپ نے ایک اور سوئنگ ریاست وسکونسن سے بھی کامیابی حاصل کر لی ہے جس کے بعد اُن کے الیکٹورل ووٹس کی تعداد 277 ہو گئی ہے۔ کاملا ہیرس 224 ووٹ حاصل کر سکی ہیں۔

ڈونلڈ ٹرمپ کی الیکشن میں کامیابی؛ ایرانی کرنسی کی قدر میں تاریخی کمی
ڈونلڈ ٹرمپ امریکہ کے صدر منتخب
ترکیہ کے صدر کی ٹرمپ کو مبارک باد
کاملا ہیرس کی منی سوٹا میں کامیابی، الیکٹورل ووٹ 214 ہو گئے

ڈونلڈ ٹرمپ کی الیکشن میں کامیابی؛ ایرانی کرنسی کی قدر میں تاریخی کمی

ایران کی کرنسی ایک ایسے وقت اپنی تاریخ کی کم ترین سطح پر آگئی ہے جب امریکہ کے صدارتی انتخاب میں ڈونلڈ ٹرمپ کو واضح برتری حاصل ہوچکی ہے۔

تہران کے منی ٹریڈرز کے مطابق ایران میں ایک ڈالر کی قیمت سات لاکھ تین ہزار ریال ہوگئی ہے اور اس میں مزید تبدیلی کا امکان بھی ہے۔

ایران کا مرکزی بینک مقامی کرنسی کی قدر میں استحکام کے لیے ماضی کی طرح مداخلت کر سکتا ہے۔

سال 2015 میں جب ایران نے عالمی قوتوں سے جوہری معاہدہ کیا تھا تو اس کی مقامی کرنسی کی قدر ایک ڈالر کے مقابلے میں 32 ہزار ریال تھی۔ رواں برس جولائی میں یہ قدر پانچ لاکھ 84 ہزار فی ڈالر ہوگئی تھی۔

ایران میں خدشات پائے جاتے ہیں کہ ڈونلڈ ٹرمپ صدارت سنبھالنے کے بعد تہران مزید پابندیاں عائد کریں گے۔

ڈونلڈ ٹرمپ امریکہ کے صدر منتخب

ری پبلکن صدارتی اُمیدوار ڈونلڈ ٹرمپ الیکشن جیتنے کے لیے درکار الیکٹورل ووٹ حاصل کر کے امریکہ کے 47 ویں صدر منتخب ہو گئے ہیں۔

وائس آف امریکہ کی گنتی کے مطابق ڈونلڈ ٹرمپ کو 277 الیکٹورل ووٹ مل چکے ہیں جب کہ صدر بننے کے لیے 270 الیکٹورل ووٹ درکار ہوتے ہیں۔ ڈیمو کریٹک صدارتی اُمیدوار کاملا ہیرس اب تک 224 ووٹ حاصل کر سکی ہیں۔

صدارتی انتخاب کے لیے اہم سمجھے جانے والی سوئنگ ریاست وسکونسن میں کامیابی کے بعد ڈونلڈ ٹرمپ نے 270 کا ہندسہ عبور کیا۔ اس سے قبل ڈونلڈ ٹرمپ نارتھ کیرولائنا، پینسلوینیا اور جارجیا سے بھی جیت گئے تھے۔

ترکیہ کے صدر کی ٹرمپ کو مبارک باد

ترکیہ کے صدر رجب طیب ایردوان نے ری پبلکن پارٹی کے امیدوار ڈونلڈ ٹرمپ کو مبارک باد دی ہے۔

سوشل میڈیا پر ایک بیان میں رجب طیب ایردوان کا کہنا تھا کہ ’’میں اپنے دوست ڈونلڈ ٹرمپ کو دوبارہ امریکہ کا صدر منتخب ہونے پر مبارک باد پیش کرتا ہوں۔‘‘

انہوں نے امید ظاہر کے نئے دور میں امریکہ اور ترکیہ کے تعلقات مضبوط ہوں گے۔

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article