کوٹرنکہ کے نوجوان کا چسانہ میں مبینہ قتل | پولیس نے معاملہ درج کر کے تحقیقات شروع کردی

6 days ago 2

November 16, 2024

محمد بشارت

کوٹرنکہ //کوٹرنکہ سب ڈویژن کی پنچایت درمن کے رہائشی نوجوان کا ریاسی ضلع کے چسانہ علاقہ میں مبینہ طورپر قتل کرنے کے بعد پولیس نے اس سلسلہ میں معاملہ درج کر کے تحقیقات شروع کر دی ہیں ۔اہل خانہ نے بتایا کہ درمن پنچایت کے رہائشی عامر لون ولد شوکت علی عمر 22 سال کا گزشتہ روز دیر رات ضلع ریاسی کی تحصیل چسانہ کے سمبلی کوٹ لڑواس علاقہ میں بے دردی سے قتل کیا گیا ۔متوفی کے اہل خانہ نے کشمیر عظمیٰ کو بتایا کہ عامر لون شیر گھڑی میں کیمسٹ کی دکان کرتا تھا اور دیر رات عامر لون کی بات اپنی ماں سے ہوئی تھی لیکن اُس کے بعد اُ س کی مشکوک طریقہ سے موت ہو ئی ہے ۔پولیس نے موقعہ پر پہنچ کر تفصیلی جائزہ لیا جبکہ اس سلسلہ میں ایک معاملہ درج کر کے تحقیقات شروع کی گئی ہیں ۔اہل خانہ نے ایس ایس پی ریاسی سے اپیل کرتے ہوئے کہاکہ اس معاملہ کو سنجیدگی کیساتھ لے کر نوجوان کے مبینہ قتل میں ملوث افراد کو کیفر کردار تک پہنچایا جائے ۔

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article