इराण एका दिवसात अण्वस्त्र बनवू शकतो -अयातुल्लाह खोमेनी

रशियाने हल्ल्याचा इशारा दिल्यानंतर इराणनेही जगाला धक्का देणारी घोषणा केली आहे. इराणएका दिवसात अण्वस्त्र तयार करू शकतो आणि ते लाँच करू शकतो, असा दावा इराणचे सर्वोच्च नेते अयातुल्लाह अली खोमेनी यांनी केला आहे. त्यामुळे  मध्य आशियात तणाव आणखी वाढल्याचे चित्र आहे. इराणने पश्चिमेकडील देशांच्या भुमिकेबद्दल संताप व्यक्त केला आहे. काही देश चुकीच्या पद्धतीने बोलत आहेत, असे इराणच्या इन्स्टिटय़ूट ऑफ बेसिक सायन्सचे संचालक लारीजनी यांनी म्हटले आहे. त्यातच अयातुल्लाह खोमेनी यांनी अण्वस्त्र निर्मितीबद्दल विधान केल्यामुळे पश्चिमी देशांचे टेन्शनही प्रचंड वाढले आहे.