गौतम अदानी यांच्यावर लाच आणि फसवणुकीचा आरोप, न्यूयॉर्कच्या फेडरल कोर्टाकडून अटक वॉरंट जारी

उद्योगपती गौतम अदानी यांच्या अडचणीत वाढ झाली आहे. न्यूयॉर्कच्या फेडरल कोर्टाने गौतम अदानी यांच्यासह 7 जणांवर अब्जावधी डॉलर्सची फसवणूक आणि लाचखोरीचा केला आहे अदानी यांनी हिंदुस्थानात सौर ऊर्जेचे कंत्राट मिळवण्यासाठी हिंदुस्थानी अधिकाऱ्यांना 250 दशलक्ष डॉलर्सची लाच देऊ केली होती, असे युनायटेड स्टेट्स ॲटर्नी कार्यालयाने म्हटले आहे. या प्रकरणी गौतम अदानी आणि त्यांचा भाचा सागर अदानी यांच्या विरोधात अटक वॉरंटही जरी करण्यात आले आहे. ‘रॉयटर्स’ने हे वृत्त दिले आहे. यामुळे एकच खळबळ उडाली असून आज शेअर बाजारात अदानी समुहांच्या शेअरवर याचा परिणाम होण्याची शक्यता तज्ञांनी वर्तवली आहे.