दानोळी कवठेसार मध्ये यड्रावकर समर्थकांचा आनंदोत्सव

दानोळी : शिरोळ विधानसभा मतदारसंघातून आमदार राजेंद्र पाटील यड्रावकर यांच्या विजयानंतर दानोळीत समर्थकांनी साखर पेढे वाटून उत्सव साजरा केला. दरम्यान फटाक्यांची आतषबाजी व गुलालाची उधळण करण्यात आली.

पहिल्या फेरीतच आमदार राजेंद्र पाटील यड्रावकर यांनी आघाडी घेतल्याने समर्थकांत सकाळपासूनच उत्साहाचे वातावरण होते. जस जशा फेऱ्या वाढतील तसतसे वाटणारे मतांचे लीड यामुळे फटाक्यांची आतिषबाजी आणि गुलाबांची उधळण वाढत होती. दरम्यान संपूर्ण निकाल जाहीर झाल्यानंतर दानोळी कवठेसार येथे आनंद उत्सव साजरा करण्यात आला.

यावेळी बोलताना यड्रावकर समर्थक पैलवान केशव राऊत, बापूसाहेब दळवी, कवठेसार चे सरपंच भोकरे यांनी आपल्या गावातील मतदारांचे आभार मानले. यावेळी दोन्ही गावात यड्रावकर समर्थक मोठ्या प्रमाणात होते.