पेणमधून भाजपचे रवी पाटील तिसऱ्यांदा विजयी

पेण विधानसभेची मतमोजणी केंइएस शाळेत झाली. एकुण २८फेऱ्या व शेवटची पोस्ट मते अशी २९ फेऱ्यात झालेल्या मतमोजणीच्या प्रत्येक फेरीत भाजपचे उमेदवार रवी पाटील यांनी आघाडी घेतली. ती शेवटच्या २९व्या फेरीपर्यंत आघाडी कायम राखली. प्रत्येक फेरीला २६०० ते ३००० अशी आघाडी ठेवत ही आघाडी शेवटी पोस्टल मतासंह ६०८१० मतांची लीड आघाडी केली आणि भाजपचे उमेदवार रवी पाटील हे तिसऱ्यांदा विजयी झाले.

आमदार रवी पाटील यांनी ६ व्याफेरी अखेर १९२०९ एवढी भक्कम आघाडी शेकाप आणि शिवसेना उमेदवारांच्या विरोधात घेतली आणि तेथेच विजय निश्चित केला. कारण ही आघाडी तोडणे दोनही उमेदवारांना शक्य नव्हते. यानंतर दोनही प्रतिस्पर्धी गटाच्या प्रतिनिधींनी मतमोजणी केंद्रातून काढता पाय घेतला.

पेण मधील कार्यकर्त्यांना रवी पाटील यांच्या विजयाची खात्री असल्याने पहिल्या फेरीलाच २६६६ मतांची आघाडी घेतली. तेव्हापासूनच भाजप कार्यकर्त्यांनी कमळाचे ध्वज फडकवण्यास सुरुवात केली. ती शेवटच्या फेरीपर्यंत शेकडो ध्वज घेउन हजारो कार्यकर्ते विजयी घोषणा देत होते. पेण भाजप कार्यालयात व आमदार रवी पाटील यांच्या घरासमोर हजारो कार्यकर्ते सकाळपासूनच जमण्यास सुरुवात झाले होते. अनेक महिलांनी रवी पाटील आगे बढो, देवेंद्र फडणवीस आगे बढो, एकनाथ शिंदे आगे बढो हम तुम्हारे साथ है आशा घोषणांनी परिसर दुमदुमला होता. पेण भाजप कार्यालयापासून विजयी मिरवणूक आमदार रवी पाटील यांच्या घरापर्यंत काढण्यात आली. यावेळी भाजप कार्यकर्त्यांनी रस्त्यावर गुलाल उधळत, नाचन्यात रममान झाले होते.