प्रदूषणामुळे घसा खवखवतोय का? ‘हे’ घरगुती उपाय करा

प्रदूषण वाढल्यामुळे अनेकांना घशाचा त्रास होतो. यामुळे घशात खवखवतं. असं तुम्हाला देखील होत असेल तर काळजी करायचं कारण नाही. कारण, थंडी वाढल्यानं सर्दी, खोकला तसेच घशाची समस्या झपाट्याने वाढते. फक्त यावर तुम्ही योग्य उपाय केल्यास तुमची ही समस्या देखील कमी होऊ शकते. प्रदूषणामुळे खवखवणे, चिडचिड आणि खोकल्याची समस्या वाढते. अशावेळी आजीच्या बटव्यातील घरगुती उपायांनी तात्काळ आराम मिळू शकतो.

दिल्ली-एनसीआरमधील आणि इतही ठिकाणच्या वायू प्रदूषणामुळे हवेची गुणवत्ता सातत्याने खराब होत आहे. विषारी हवेचा थेट परिणाम लोकांच्या आरोग्यावर दिसून येत आहे. सतत खोकला आणि घसा खवखवणे यासारख्या समस्या निर्माण होतात. घश्याच्या दुखण्यावर बाजारात सर्व प्रकारची औषधं आणि सिरप उपलब्ध आहेत. पण, तुम्हाला तात्काळ आराम मिळेल, असं वाटत असेल तर काही घरगुती उपायांचा वापर केला पाहिजे.

आज आम्ही तुम्हाला आजमावलेल्या काही सोप्या आणि परिणामकारक उपायांबद्दल सांगणार आहोत.

हे सुद्धा वाचा

गरम पाण्यात मीठ घ्या

घसा खवखवणे किंवा चिडचिड होण्यासाठी गरम पाण्यात थोडे मीठ घालून गारा करणे खूप फायदेशीर ठरते. यामुळे घसा स्वच्छ राहतो आणि बॅक्टेरियाही नष्ट होतात. त्यानंतर चेहरा स्वच्छ धुवून घ्यावा.

आल्याच्या रसात मध घ्या

आल्याच्या रसात मध मिसळून प्यायल्याने घसा खवखवणे आणि खोकल्यापासून आराम मिळतो. या दोघांच्या मिश्रणामुळे घशाला आराम मिळतो आणि रोगप्रतिकारशक्तीही वाढते.

तुळशीचे पानं

तुळशीची पाने आणि काळी मिरी पाण्यात उकळून प्यावी. यामुळे घसा खवखवणे आणि खोकला दोन्ही कमी होतात. तसेच शरीर उबदार ठेवण्यास मदत होते.

हळदीचे दूध

हळदीचे दूध प्यायल्याने घसा खवखवण्यापासून आराम मिळतो. हळदीमध्ये अँटी-बॅक्टेरियल आणि अँटी-इंफ्लेमेटरी गुणधर्म असतात. अशावेळी तुम्ही त्याचा वापरही करू शकता.

निलगिरीचे तेल

गरम पाण्यात निलगिरीचे तेल घालून वाफवून घ्यावे. हे घशाला शांत करते. वाफ घेतल्याने इतर देखील अनेक त्रासांपासून आराम मिळतो.

कोमट पाणी प्या

तुम्हाला घसा दुखण्याचा त्रास होत असेल तर थंड पाण्याऐवजी दिवसभर कोमट पाणी प्यावे. यामुळे घशातील ओलावा टिकून राहतो आणि घसा दुखणे दूर होते.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)