बाळासाहेब-मनोजदादांची प्रतिष्ठा पणाला

या विधानसभा मतदार संघात महाविकास आघाडीचे आ. बाळासाहेब पाटील, महायुतीचे मनोजदादा घोरपडे, बहुजन समाज पार्टीचे कोंडीबा कांबळे, वंचित बहुजन आघाडीचे अंसारअली पटेल, रिपाइं (ए) चे सर्जेराव बनसोडे, राष्ट्रीय स्वराज्य सेनेच्या सीमा पोतदार, रासपचे सोमनाथ चव्हाण, अपक्ष अजय सूर्यवंशी, दीपक कदम, निवृत्ती शिंदे, बाळासो पाटील, बाळासो शिवाजी पाटील, रामचंद्र चव्हाण, वसीम इनामदार, वैभव पवार हे उमेदवार रिंगणात आहेत. असे असले तरी या मतदार संघात आ. बाळासाहेब पाटील, मनोजदादा यांच्यातच कडवी लढत होणार आहे. त्यामुळे आज बुधवारी होत असलेल्या मतदानासाठी जय्यत तयारी करण्यात आली आहे. प्रमुख उमेदवारांनी मतदानासाठी कार्यकर्त्यांना व पदाधिकार्‍यांना अलर्ट केले आहे. आपल्यालाच अधिक मतदान कसे होईल याचे मायक्रो प्लॅनिंग करण्यात आले आहे.