महाराष्ट्र ग्राम दर्पण; जलसाक्षरता प्रशिक्षकांचे एकदिवसीय प्रशिक्षण:प्रशिक्षकाला येणाऱ्या समस्यांवर केली सांगोपांग चर्चा

महाराष्ट्र ग्राम दर्पणद्वार आयोजित एक ‍दिवसीय जलसाक्षरता प्रशिक्षकांचे प्रशिक्षण कार्यक्रम ग्रीन पार्क, परसोडा, मार्डी रोड, येथे झाले. अध्यक्षस्थानी रविराज देशमुख होते. तर प्रमुख अतिथी म्हणून डॉ. व्ही. टी. इंगोले यांची सुद्धा उपस्थिती होती. कार्यक्रमाची सुरुवात कर्मयोगी संत गाडगे महाराज, राष्ट्रसंत तुकडोजी महाराज, डॉ. पंजाबराव देशमुख यांच्या प्रतिमेचे पूजन केले. मान्यवरांचे स्वागत करून कार्यक्रमाची सुरुवात केली . प्रशिक्षकाचे प्रशिक्षण या कार्यक्रमाला बहुसंख्येने प्रशिक्षक उपस्थित होते. या वेळी प्रशिक्षकाची गुणवैशिष्टे कशी असावी व त्याची कार्यपद्धती यावर जिल्हा परिषद अमरावती येथील दिनेश गाडगे ( प्रवीण प्रशिक्षक ) यांनी सादरीकरणाच्या माध्यमातून उपयुक्त व मोलाचे मार्गदर्शन प्रशिक्षकांना केले. यानंतर महाराष्ट्र ग्राम दर्पण चे मुख्य कार्यकारी अधिकारी सुबोध देशमुख यांनी प्रशिक्षण व प्रशिक्षकाला येणाऱ्या समस्या या विषयावर सांगोपांग चर्चा केली. प्रशिक्षण निरंतर व प्रभावात्मक होण्यासाठीच्या उपाय योजनेचे महत्व त्यांनी विशद केले. यानंतर प्रवीण प्रशिक्षक प्रदिप निचळे, सीमा मोरे, मेघा चौधरी, यांनी यथोचित मार्गदर्शन केले. या कार्यक्रमाला उपस्थित डॉ.व्ही.टी. इंगोले यांनी पाण्याचे महत्व व सुरक्षिकता या करिता रेन वॉटर हारवेस्टिंग सांडपाणी व घनकचरा व्यवस्थापन ग्रे वॉटरचे शुद्ध पाण्यात रूपांतरण या विषयी परिपूर्ण माहिती दिली. या वेळी महाराष्ट्र ग्राम दर्पणचे सर्व कर्मचारी उपस्थित होते. सरते शेवटी प्रशिक्षकांना प्रमाणपत्रे वाटप करून कार्यक्रमाची सांगता करण्यात आली.