मुख्यमंत्री एकनाथ शिंदे यांची प्रकृती बिघडली, नेमकं काय झालं?

पुढारी ऑनलाईन डेस्क : राज्यात सत्तास्थापनेसाठी घडामोडी वेगाने सुरु आहेत. याच दरम्यान, काळजीवाहू मुख्यमंत्री एकनाथ शिंदे यांची तब्येत बिघडली आहे. यामुळे आजच्या सर्वांच्या भेटी रद्द करण्यात आल्या असल्याची माहिती सुत्रांनी दिली आहे. एकनाथ शिंदे शुक्रवारी अचानक त्यांच्या महाबळेश्वर तालुक्यातील दरे तांब या गावी हेलिकॉप्टरने दाखल झाले. एकीकडे राज्यात सत्तास्थापनेच्या हालचाली गतिमान झाल्या असतानाही त्यांनी गावी येऊन विश्रांती घेण्याचे पसंद केल्याने तर्कवितर्क लढवले जात आहेत. कुणाशीही संवाद न साधता ते एकांतवासात गेल्याने राज्याच्या राजकीय वर्तुळात नाराजीच्या चर्चेला आणखी उधाण आले आहे.