रिसोड विधानसभा मतदारसंघात अमित झनक विजयी

वाशिम : ३३ रिसोड विधानसभा मतदारसंघाची मतमोजणी प्रक्रिया आज २३ नोव्हेंबर रोजी शांततेत व सुरळीतपणे पार पडली. ३३ रिसोड विधानसभा मतदारसंघातून भारतीय राष्ट्रीय काँग्रेस पक्षाचे उमेदवार अमित सुभाषराव झनक हे विजयी झाले. त्यांना एकूण ७६ हजार ८०९ मते मिळाली. निवडणूक निर्णय अधिकारी वैशाली देवकर यांच्या हस्ते त्यांना विजयी प्रमाणपत्र देण्यात आले.

३३-रिसोड विधानसभा मतदारसंघ येथील मतमोजणी तहसील कार्यालय, परिसर येथे मतमोजणी प्रक्रिया सुरळीत पार पडली.

विधानसभेच्या मतमोजणीस सकाळी ८ वाजता सुरुवात करण्यात आली असून यात २५ फेऱ्यांच्या मतमोजणीत टपाली मतदान, ईव्हीएम व ईटीपीबीएसच्या मतांची मोजणी झाली.