वडिलांनी केला मुलीचा पराभव; अहेरीत धर्मरावबाबा आत्राम विजयी!

पुढारी ऑनलाईन डेस्क : महाराष्ट्र विधानसभा 2024 निवडणुकीचा निकाल आज जाहीर झाला. विदर्भामध्ये सर्वाचे लक्ष लागून असलेल्या अहेरी मतदार संघातून धर्मरावबाबा आत्राम यांचा विजय झाला. त्यांनी 18 हजार 441 मतांनी भाग्यश्री आत्राम यांचा पराभव केला. धर्मरावबाब यांना एकूण 54 हजार 206 मते मिळाली. अहेरी मतदारसंघात भाग्यश्री आत्राम (राष्ट्रवादी शरद पवार) आणि धर्मरावबाबा आत्राम (राष्ट्रवादी कॉँग्रेस) अशी लढत होती. त्यामुळे या मतदारसंघाकडे सर्वांच्या विशेष नजरा लागून होत्या. हा मतदारसंघ अनसुचित जातीसाठी राखीव आहे. 2019 च्या विधानसभा निवडणुकीत अहेरी मतदारसंघात राष्ट्रवादी काँग्रेस पक्षाचे उमेदवार धर्मरावबाबा आत्राम यांना विजय मिळाला होता.