शिंदेंचा 50 आमदारांपैकी 1 पडला:काय झाडी, काय डोंगर...फेम शहाजी पाटलांचा पराभव, शेकापचे बाबासाहेब देशमुख विजयी

3 hours ago 1

मुख्यमंत्री एकनाथ शिंदे यांना सांगोला मतदारसंघात मोठा धक्का बसला आहे. शिवसेनेतील बंडखोरीत एकनाथ शिंदे यांना साथ देणाऱ्या विद्यमान आमदार शहाजी बापू पाटील यांचा पराभव झाला. शेकापचे बाबासाहेब देशमुख यांनी त्यांचा पराभव केला. आबासाहेब देशमुख 25 हजार 384 मतांनी विजयी झाले आहेत. माझ्यासोबत आलेल्या 50 आमदारांपैकी एकजरी पडला तर, मी गावाकडे शेती जाऊन शेती करेन, असे मुख्यमंत्री एकनाथ शिंदे यांनी सभागृहात सांगितले होते. पण गुवाहाटीला जाणाऱ्या आमदारांपैकी शहाजी बापू पाटील यांना पराभवाचा सामना करावा लागला आहे. बाबासाहेब देशमुखांनी शेकापचे वर्चस्व केले सिद्ध सांगोला हा मतदारसंघ पूर्वीपासून शेकापचा बालेकिल्ला होता. गणपतराव देशमुख या मतदारसंघातून 11 वेळा विधानसभेवर निवडून गेले होते. खुद्द शहाजीबापुंनी देशमुखांविरोधात 6 वेळा निवडणूक लढविली होती. पण तेव्हा त्यांना पराभव स्वीकारावा लागला होता. 2019 ला बाबासाहेब देशमुख यांची वय झाल्याने निवडणूक न लढविण्याचा निर्णय घेतला होता. त्यामुळे शहाजीबापू पाटील यांना संधी चालून आली होती. 2019 च्या निवडणुकीत शहाजी पाटलांचा विजय झाला होता. यंदाच्या निवडणुकीत बाबासाहेब देशमुख यांनी 1 लाख 16 हजार 280 मते घेत शहाजी बापू पाटील यांचा 25 हजार 384 मतांनी पराभव केला. बाबासाहेब देशमुख यांनी पुन्हा एकदा सांगोला मतदारसंघ खेचून आणत मतदारसंघात शेकापचेच वर्चस्व असल्याचे सिद्ध केले आहे. सांगोला विधानसभा मतदार संघांमध्ये पडलेली मते : बाबासाहेब देशमुख - 1 लाख 16 हजार 280 शहाजीबापू पाटील - 90 हजार 896 दीपकआबा साळुंखे - 51 हजार शेकापचे डॉ.बाबासाहेब देशमुख 25 हजार 384 मतांनी विजयी. हे ही वाचा... 50 पैकी एकही पडला, तर गावाकडे शेती करेन:एकनाथ शिंदेंनी शब्द खरा करून दाखवला, शिवसेनेची 55 जागांवर आघाडी महाराष्ट्र विधानसभा निवडणुकीचे निकालाचे कल समोर येत असून महायुतीला 200 पेक्षा अधिक जागांवर बहुमत मिळताना दिसत आहे. या सर्व धामधुमीत मुख्यमंत्री एकनाथ शिंदे यांचा एक जुना व्हिडिओ व्हायरल आहे. मुख्यमंत्री झाल्यानंतर एकनाथ शिंदे यांनी सभागृहात बोलताना मोठा दावा केला होता. 50 मधला एकही माणूस पडू देणार नाही, भाजपच्या 115 लोकांसोबत मिळून 200 आकडा पार करणार, असे एकनाथ शिंदे म्हणाले होते. आता येत असलेले निकाल पाहता एकनाथा शिंदे यांनी आपला शब्द खरा करून दाखवला. सविस्तर वाचा...

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article