हिंगोलीत मत विभाजन भाजपच्या पथ्यावर:आमदार मुटकुळेंची 12 हजार मतांच्या आघाडीसह विजयाची हॅट्‌ट्रीक; अपक्ष अन वंचितच्या उमेदवाराना चांगली मते

2 hours ago 1

हिंगोली विधानसभा मतदार संघात मतविभाजन भाजपच्या पथ्यावर पडले असून आमदार तान्हाजी मुटकुळे यांनी १२ हजार मतांच्या विजयी आघाडीसह हॅट्‌ट्रीक नोंदवली आहे. अपक्ष व वंचितच्या उमेदवारांना लक्षणीय मते घेतली आहेत. हिंगोली विधानसभा मतदार संघात यावेळी तब्बल २३ उमेदवार निवडणुक रिंगणात होते. भाजपाचे विद्यमान आमदार तान्हाजी मुटकुळे यांना महायुतीकडून उमेदवारी देण्यात आली होती. तर हिंगोलीची काँग्रेसचे जागा ऐनवेळी ठाकरे गटाला सोडल्यानंतर काँग्रेसचे माजी आमदार भाऊराव पाटील गोरेगावकर यांनी बंडाचा झेंडा फडकविला होता. त्यामुळे महाविकास आघाडीच्या उमेदवार रुपाली पाटील गोरेगावकर यांच्यासमोरील अडचणी वाढल्या होत्या. या शिवाय प्रकाश थोरात यांनी निवडणुकीच्या तोंडावर वंचित बहुजन आघाडीमध्ये प्रवेश घेऊन उमेदवारी मिळविली होती. तर शेतकरी नेते म्हणून ओळख असलेल्या डॉ. रमेश शिंदे यांनीही अपक्ष म्हणून उमेदवारी दाखल केली होती. या शिवाय भाजपाचा राजिनामा देऊन रामदास पाटील सुमठाणकर यांनीही उमेदवारी दाखल केल्यामुळे या निवडणुकीत चुरस निर्माण झाली होती. दरम्यान, निवडणुकीमध्ये प्रथमच २३ उमेदवार निवडणुक रिंगणात असल्याने मत विभाजनाचा फटका कोणाला बसणार याचीच चर्चा सुरु झाली होती. तर विधानसभा मतदार संघात मतदानाची टक्केवारी देखील वाढली होती. त्यामुळे जय पराजयाचे गणित लावणेच कठीण झाले होते. मात्र आज मतमोजणीच्या पहिल्या फेरीपासूनच भाजपाचे आमदार तान्हाजी मुटकुळे यांनी आघाडी मिळविली होती. त्यानंतर हि आघाडी शेवटच्या २५ व्या फेरी पर्यंत कायम राहिली आहे. मतमोजणीच्या अंतिम निकालामध्ये भाजपाचे तान्हाजी मुटकुळे यांना टपाल मतदान वगळता ७३ हजार २७४, ठाकरे गटाच्या रुपालीताई गोरेगावर यांना ६२ हजार ७०३, वंचित बहुजन आघाडीचे प्रकाश थोरात यांना २३ हजार ७२९, अपक्ष उमेदवार भाऊराव पाटील गोरेगावकर यांना २२ हजार ९० तर डॉ. रमेश शिंदे यांना १९ हजार १८५ तर रामदास पाटील सुमठाणकर यांना १० हजार ७६७ मतदान मिळाले आहे. दरम्यान, अपक्ष उमेदवार भाऊराव पाटील गोरेगावकर, वंचितचे प्रकाश थोरात यांच्या उमेदवारीमुळे ठाकरे गटाची पर्यायाने महाविकास आघाडीच्या मतांची विभागनी झाली अन भाजपाचे विद्यमान आमदार तान्हाजी मुटकुळे यांचा विजय सोपा झाला. या विजयाने मुटकुळे यांनी हॅट्‌ट्रीक साधली आहे.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article