ઉદયપુરમાં રાજવી પરિવારનો વિવાદ વકર્યોઃ જિલ્લા મેજિસ્ટ્રેટ કર્યો જારી કર્યો નવો આદેશ

ઉદયપુરઃ મેવાડના પૂર્વ રાજપરિવારના વિશ્વરાજ સિંહના પરંપરાગત રાજતિલક બાદ ઉદયપુરના સિટી પેલેસ સ્થિત પ્રયાગગિરી મહારાજની ધૂણીના દર્શન માટે ત્રણ દિવસથી ચાલ્યા આવતાં વિવાદનો બુધવારે સાંજે અંત આવ્યો હતો. જોકે, આજે સવારથી જ સિટિ પેલેસ માર્ગના બેરિકેડ્સ હટાવવામાં આવ્યા હતા. તેમજ દુકાનો પણ ખૂલી હતી. સિટી પેલેસ બંધ છે અને હજુ પણ અજંપાભરી સ્થિતિ છે. રાજવી પરિવાર વચ્ચેની લડાઈનો વિવાદ હવે રસ્તા પર આવી ગયો છે. હિંસા અને પથ્થરમારાના બનાવ વચ્ચે જિલ્લા મેજિસ્ટ્રેટ અરવિંદ પોસવાલે મહત્ત્વનો આદેશ બહાર પાડવામાં આવ્યો છે.

જિલ્લા મેજિસ્ટ્રેટે ભારતીય દંડ સંહિતાની કલમ 163 હેઠળ ઉદયપુર શહેરના જગદીશ ચોકથી 500 મીટરની ત્રિજ્યામાં આગામી આદેશો સુધી પ્રતિબંધિત આદેશ જારી કર્યો છે. ભારતીય ન્યાયિક સંહિતાની કલમ 163 હેઠળ એક સ્થળે એક જૂથમાં પાંચ કે તેથી વધુ લોકોને એકઠા કરવા, વિવિધ પ્રકારના શસ્ત્રો વગેરે દર્શાવવા પર પ્રતિબંધ રહેશે.

આ પણ વાંચો: OMG!ઉદયપુરના ફાર્મ હાઉસમાં જ્યારે આવી ગયો વિશાલકાય અજગર…

રાજવી પારિવારના વિવાદના કારણે ઉદયપુર સિટી પેલેસ પર વિશ્વરાજ સિંહના કાકા અરવિંદ સિંહ મેવાડના પુત્ર લક્ષ્યરાજે સિટી પેલેસના દરવાજા બંધ કરી દીધા હતા. તંત્રએ સોમવારે થયેલી બબાલ બાદ રાત્રે જ વિવાદાસ્પદ સ્થળનો તાબો લઈને રિસીવરની નિમણૂક કરી હતી. મંગળવારે પણ કોઈ સમાધાન નહોતું થયું. બુધવારે મુખ્યમંત્રીના હસ્તક્ષેપ બાદ સાંજે તંત્ર દ્વારા દર્શનની વ્યવસ્થા કરવામાં આવી હતી.

વિશ્વરાજસિંહે ધૂણી દર્શન કર્યા હોવા છતાં રાજવી પરિવારના સભ્યો વચ્ચે શાબ્દિક યુદ્ધ હજુ પણ ચાલી રહ્યું છે. બુધવારે વહીવટી વ્યવસ્થા વચ્ચે વિશ્વરાજ સિંહ દ્વારા ધૂણી દર્શન કરાવવામાં આવ્યા હતા. સ્વર્ગીય મહેન્દ્રસિંહ મેવાડના નાના ભાઈ અરવિંદસિંહ મેવાડના પુત્ર લક્ષ્યરાજસિંહે મીડિયાને સંબોધન કર્યું હતું.

આ પણ વાંચો: ઉદયપુર ચાકૂબાજી કાંડમાં ઘાયલ વિદ્યાર્થીનું સારવાર દરમિયાન મોત : શહેરની ભારેલા અગ્નિ જેવી સ્થિતિ

તેમણે વહીવટીતંત્ર, મીડિયા અને ઉદયપુરના લોકોનો બધું શાંતિપૂર્ણ રીતે થયું તે સુનિશ્ચિત કરવા બદલ આભાર માન્યો હતો. સિંહે કહ્યું, કોઈ પણ પ્રકારનો વિવાદ ઊભો થાય તેમ અમે નથી ઈચ્છતા, પરંતુ જે રીતે હજારો લોકોનું ટોળું એકત્ર થયું અને અમારા પેલેસમાં પ્રવેશવાનો પ્રયાસ કર્યો, તે કાયદો અને વ્યવસ્થા તોડવાનું કૃત્ય હતું.

તેમણે કહ્યું હતું એક વ્યક્તિની જીદથી સમગ્ર ઉદયપુરનું વાતાવરણ ડોહળાયું હતું, લોકોના વેપાર ધંધાને અસર થઈ હતી. તેમનો અભિગમ ખોટો હતો. ઘમંડના ઘોડા પર સવારી કરીને જીદ પૂરી કરવાની યુક્તિ ખોટી હતી. બધું શાંતિથી થઈ શકે છે. વિશ્વરાજસિંહની હકાલપટ્ટીના પ્રશ્ન પર લક્ષ્યરાજ સિંહે કહ્યું કે દરેકની પોતાની પરંપરાઓ હોય છે અને તે પરંપરાઓનું સન્માન કરવું જોઈએ.

આ પણ વાંચો: ઉદયપુરમાં સ્ટેબિંગઃ પીડિતના પરિવારજનોએ દાવો કર્યો કે તેમને હોસ્પિટલમાં જવા ન દીધા

ધૂણીના દર્શન બાદ વિશ્વરાજ સિંહ મેવાડે મીડિયા સાથે વાતચીતમાં કહ્યું કે બે દિવસના વિવાદ બાદ દર્શન શાંતિપૂર્ણ રીતે થયા છે, તેથી આ માટે જેમણે મને ટેકો આપ્યો તે બધાનો આભાર માનું છું. તેમણે કહ્યું કે આ મુદ્દો માત્ર ફિલસૂફીનો છે, જો પહેલા જ દિવસે આ મુદ્દો સ્વીકારવામાં આવ્યો હોત તો કદાચ વિવાદ આટલો ન વધ્યો હોત. આ વિવાદે એ પણ સાબિત કર્યું છે કે શાંતિપૂર્ણ આંદોલનથી બધું જ શક્ય છે.

સિંહે કહ્યું કે જો કોઈ પારિવારિક મુદ્દો હોય તો ચર્ચા થઈ શકે છે અને જો કોઈ પ્રોપર્ટીનો મુદ્દો હોય તો અરવિંદ સિંહ મેવાડ સાથે જ ચર્ચા કરશે. વિશ્વરાજસિંહ મેવાડે કહ્યું કે દર્શન અંગે ચર્ચા ત્રણ દિવસ સુધી ચાલી હતી અને અંતે દર્શન કરવામાં આવ્યા હતા. આ નિર્ણય પહેલા જ દિવસે જ લેવો જોઈતો હતો. સિટી પેલેસમાંથી પથ્થરમારાના પ્રશ્ન પર વિશ્વાસ સિંહ મેવાડે કહ્યું કે વહીવટીતંત્રે જવાબ આપવો જોઈએ. ઉદયપુરના લોકોને આપેલા સંદેશમાં, વિશ્વરાજ સિંહે કહ્યું કે તેમણે તેમના પર જે વિશ્વાસ મૂક્યો છે તેના માટે તેઓ આભારી છે.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને