ફોકસ: શાર્પ શૂટર્સની દુનિયા ઉર્ફે ગભરાટની ડરામણી સ્ક્રિપ્ટ

• એન. કે. અરોરા

તેના ચહેરા પર ન તો કોઈ હાવભાવ હતા, ન ડર હતો કે ન તો અફસોસ. આ વાત છે મુંબઈના બાબા સિદ્દીકી હત્યા કેસના મુખ્ય આરોપી અને લોરેન્સ બિશ્નોઈ ગેંગના શાર્પ શૂટર શિવ કુમાર ગૌતમ ઉર્ફે શિવાની. ૧૦મી નવેમ્બર ૨૦૨૪ના રોજ, યુપી એસટીએફ અને મુંબઈ ક્રાઈમ બ્રાંચે તેને નેપાળ બોર્ડરથી ૧૯ કિમી પહેલા નાનપરા ખાતેથી પકડી લીધો હતો, જ્યારે તે તેના કેટલાક મદદગારોની મદદથી નેપાળ ભાગી જવાનો પ્રયાસ કરી રહ્યો હતો. પકડાયા પહેલા તેણે પોલીસને છટકી જવાના ગમે તેટલા પ્રયત્નો કર્યા હોય, એક વખત તે પકડાઈ ગયો પછી તેનું વલણ લોહી જમાવી દે એવું ખુંખાર બની ગયું જે ગુનાખોરીની દુનિયાના શાર્પ શૂટર્સમાં હંમેશા મળે છે.

Also read: ઓળખી લો, આવા છે આ વિક્રમવીર ડોનલ્ડ  ‘ધ તોફાની’ ટ્રમ્પ….! 

તેમના ભયાનક કેરેક્ટરને કારણે જ, આ શાર્પ શૂટર્સને ગુનાની દુનિયામાં કોઈપણ ગુનાહિત સંગઠનની મોટી તાકાત માનવામાં આવે છે. ચોક્કસ નિશાન, સોંપેલ લક્ષ્યોનો કંઇપણ રીતે અંજામ દેવો, આ તે વિશેષતાઓ છે જે તેમને કોઈપણ ક્રિમિનલ ગેંગમાં ખૂબ જ ખાસ બનાવે છે. ભારતના ક્રાઈમ અંડરવર્લ્ડમાં શાર્પ શૂટર્સનું હંમેશા વિશેષ સ્થાન રહ્યું છે.

કારણ કે આ લોકો ક્રાઈમ સિન્ડિકેટ માટે આતંક ફેલાવવા, હરીફોને ખતમ કરવા અને ઉદ્યોગપતિઓ, રાજકારણીઓ કે અન્ય મહત્વની વ્યક્તિઓને ધમકાવવાનું કામ ખૂબ જ નિર્ભયતાથી કરે છે. તેથી, ભારતમાં સંગઠિત અંડરવર્લ્ડનો ગઢ ગણાતા મુંબઈમાં અસલી આતંક હંમેશા આ શાર્પ શૂટરોના કારણે જ રહ્યો છે. તેમની ઉચ્ચ સચોટ નિશાનબાજીને કારણે, શાર્પ શૂટર્સ અંડરવર્લ્ડમાં ગુનાહિત સંગઠનોની તાકાત અને વિસ્તરણમાં મજબૂત કડી છે.

તેથી જ તેમને આ ગેંગમાં વિશેષ સુરક્ષા અને વધુ પગાર મળે છે. મુંબઈના અંડરવર્લ્ડમાં શાર્પ શૂટર્સનો જલવો સૌથી વધુ છેલ્લી સદીના ૧૯૮૦ અને ૧૯૯૦ના દાયકામાં જોવા મળ્યો હતો. તે દિવસોમાં જ્યારે ઘણા ગુનાહિત જૂથો હરીફાઈમાં રોકાયેલા હતા.

અને આ હરીફાઈમાં મોટી ભૂમિકા શાર્પ શૂટરો ભજવતા હતા. કારણ કે આ શાર્પ શૂટર્સ લક્ષ્ય રાખવામાં કુશળ હોવાને કારણે તેઓ દુશ્મનને ખતમ કરવાનું કામ ખૂબ જ ચોકસાઈ અને ગુપ્તતા સાથે કરે છે. આ કારણે, તેમનો પ્રભાવ તેમના દરેક સાહસિક કારનામા પછી વધે છે. જો ભારતમાં છેલ્લા પાંચ દાયકાના સૌથી ખતરનાક શાર્પ શૂટર્સની યાદી બનાવીએ તો તેમાં દાઉદ ઈબ્રાહિમના શૂટર શાહિદ અઝીઝ ઉર્ફે લાલા, અરુણ ગવળીના શાર્પ શૂટર અશોક જોશી, છોટા રાજનના શૂટર વિજય સાલસ્કર, દાઉદનો હજુ એક શાર્પ શૂટર શકીલ બાબા અને પછીથી, ડી કંપની બન્યા બાદ હેડલાઇન્સમાં રહેલો બાબુ રેશી.

આ કેટલાક ભયાનક શાર્પ શૂટર્સ છે, જેના કારણે મુંબઈ પોલીસ અધિકારીઓ તેમના જૂના નવા કિસ્સાઓ સંભળાવતી વખતે હજુ પણ ડર અનુભવે છે. દાઉદ ઈબ્રાહિમના શૂટર શાહિદ અઝીઝ ઉર્ફે લાલાએ એક ડઝનથી વધુ ભયંકર હત્યાઓ કરીને માયાનગરીમાં આતંક ફેલાવી દીધો હતો. તેનો નિશાન એકદમ ચોક્કસ હતો. તે તેના સટીક નિશાન અને દુસાહસ માટે કુખ્યાત હતો. તેણે દાઉદના હરીફોમાં આતંકનું વાતાવરણ ઊભું કર્યું હતું. બાદમાં, કંઇક આવો જ ખૌફ અરુણ ગવળીના શાર્પશૂટર અશોક જોષીનો રહ્યો.

ગવળી ગેંગ માટે કામ કરતો અશોક જોષી અવારનવાર તેના હરીફોની હત્યાઓ અને હુમલાઓમાં સામેલ હતો. તેનું નામ પણ મુંબઈમાં થયેલી બહુચર્ચિત હત્યાકાંડમાં જોડાયેલું રહ્યું છે. આ ક્રમમાં છોટા રાજનના શાર્પ શૂટર વિજય સાલસ્કરને પણ યાદ કરવામાં આવે છે. તેણે પણ અઝીઝ લાલા અને અશોક જોશીની જેમ અનેક ભયાનક હત્યાઓ કરી અને પોતાના નામથી હરીફ જૂથના લોકોને હંમેશા ડરાવ્યા.

Also read: ફ્લૉપ વિરાટ-રોહિતની ખોટી તરફેણ ભલે કરો, પણ પુજારા-રહાણેને અન્યાય તો ન જ કરો

એ અલગ વાત છે કે પોલીસ એન્કાઉન્ટરમાં તે જલદી જ માર્યો ગયો હોવાથી અનેક લોહિયાળ એન્કાઉન્ટરમાંથી બચી ગયો હતો. દાઉદ ઈબ્રાહિમના અન્ય શાર્પ શૂટર શકીલ બાબાનું નામ પણ એક સમયે હરીફ જૂથો માટે આતંકનો પર્યાય હતો. શકીલ બાબાએ મોટાભાગના હરીફ સંગઠનોના ઠેકાણાઓ પર હુમલો કર્યો હતો.

ડી કંપનીનો બાબુ રેશી પણ આવો જ એક શાર્પ શૂટર છે, જેની ગણતરી શાર્પ શૂટર્સમાં થાય છે. સવાલ એ છે કે શાર્પ શૂટર કોણ બને છે? શાર્પ શૂટર બનવા માટે કોઈ ટ્રેનિંગ પ્રોગ્રામ તો જરૂર નથી, તેથી મોટી સંખ્યામાં તે જ લોકો આ દુનિયામાં પ્રવેશ કરે છે જેનો પહેલાથી જ ગુનાની દુનિયા સાથે સંબંધ છે. પરંતુ જો આપણે શાર્પ શૂટરોની આર્થિક અને સામાજિક પરિસ્થિતિઓ પર નજર કરીએ તો, મોટાભાગના શાર્પ શૂટરો આર્થિક સંકટથી ઘેરાયેલા હોય છે અને સામાજિક રીતે નીચલા રેન્કમાંથી આવે છે.

તેની પાછળ અભાવ તો ચોક્કસપણે એક કારણ છે, પરંતુ તેનાથી પણ મોટું કારણ સામાજિક દમન, રોજગારનો અભાવ વગેરે હોય છે. ઓછા સમયમાં શોર્ટકટથી પૈસા કમાવવાની અને લોકો પર પોતાની તાકાતની ધાગ જમાવવો પણ આ ક્ષેત્રમાં આવવાના આકર્ષણોમાં છે. હા, કેટલાક લોકો તેમના ઘરે પહેલેથી જ ગુનાહિત પૃષ્ઠભૂમિને કારણે આ ક્ષેત્રમાં સરળતાથી આવી જાય છે, પરંતુ જ્યાં સુધી ભયાનક પટકથા જેવી તેમની સાયકોલોજીની વાત છે, તેમની આ મનોવિજ્ઞાન હિંસા પ્રત્યેની તેમની અસંવેદનશીલતા અને તેની આસપાસ ખૂબ જ હિંસા હોવાને કારણે ઉદ્ભવે છે.

સ્ટેટસ અને પૈસાના મોહથી માંડીને જીવનના અમુક તબક્કે ભાવનાત્મક રીતે ત્રાસ આપવાને કારણે ઘણી વખત તે શાર્પ શૂટરની જેમ ભયાનક ગુનેગાર બનવામાં પરિણમે છે, કારણ કે શાર્પ શૂટર્સમાં સામાન્ય રીતે તેમની લાગણીઓને કાબૂમાં રાખવાની ક્ષમતા હોતી નથી, તેથી તેમને કોઈની હત્યા કરવામાં સંકોચ થતો નથી.

Also read: વિશેષ : બાળકોની સાર્થક ભાગીદારી જરૂરી છે લોકશાહીની સુધારણા માટે

એ પણ હકીકત છે કે તેઓ પહેલાથી જ જાણે છે કે તેમનું જીવન લાંબું નહીં ચાલે, તેથી તેમને તેમના જીવન સાથે બહુ મોહ હોતો નથી. જીવનથી અલગ થવાની આ સ્થિતિ પણ તેમને અપેક્ષા કરતા વધુ ખતરનાક બનાવે છે.