સતર્કતાઃ વારાણસીમાં ગંગા આરતી પાંચ ફેબ્રુઆરી સુધી બંધ રાખવાનો લીધો નિર્ણય

વારાણસી: ભીડમાં થયેલા વધારાને ધ્યાનમાં રાખીને સત્તાવાળાઓએ વારાણસીના ઘાટ પર થતી ગંગા આરતી પાંચમી ફેબ્રુઆરી સુધી સામાન્ય જનતા માટે બંધ કરી છે. પોલીસ કમિશનર મોહિત અગ્રવાલે કાશીના લોકોને બિનજરૂરી રીતે ઘરની બહાર ન નીકળવા અને ભક્તોને સહકાર આપવા અપીલ કરી છે.

ગંગા સેવા નિધિના પ્રમુખ સુશાંત મિશ્રાએ આજે જણાવ્યું હતું કે દશાશ્વમેઘ ઘાટ પર થતી ગંગા આરતી પાંચમી ફેબ્રુઆરી સુધી સામાન્ય જનતા માટે બંધ રહેશે. આ સાથે, શીતલા ઘાટ, અસ્સી ઘાટ અને અન્ય ઘાટ પર ગંગા આરતી કરતી સમિતિઓએ પણ સામાન્ય જનતા, મુલાકાતીઓ અને ભક્તોને પાંચ ફેબ્રુઆરી સુધી ત્યાં નહીં જવા માટે અપીલ કરી છે.

આ પણ વાંચો : વારાણસીમાં ગંગા નદીમાં શ્રદ્ધાળુઓથી ભરેલી બોટ પલટી, NDRF ટીમની ત્વરિત કાર્યવાહી

પ્રયાગરાજ મહાકુંભથી પરત ફરતા મોટી સંખ્યામાં ભક્તો હજુ પણ વારાણસી કેન્ટ અને બનારસ રેલવે સ્ટેશનો પર ફસાયેલા છે. ઘણા ભક્તોએ જણાવ્યું હતું કે વધુ પડતી ભીડને કારણે તેઓ તેમની ટ્રેન ચૂકી ગયા હતા. આ ઉપરાંત, કેટલીક ટ્રેનો રદ થવાને કારણે સેંકડો લોકો સ્ટેશનો પર ફસાયેલા છે.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને