ఈ దేశాలు ఢిల్లీ కంటే చిన్నవి.. వాటి పరిమాణం తెలిస్తే షాక్‌ అవ్వాల్సిందే..! ప్రత్యేకతలు మాత్రం..

ప్రపంచంలో చాలా చిన్న దేశాలు ఉన్నాయి. వాటి పరిమాణం మన దేశ రాజధాని ఢిల్లీ కంటే తక్కువగా ఉంటాయిని తెలిస్తే మీరు ఆశ్చర్యపోతారు. అంతేకాదు, ఇవి ప్రత్యేక ప్రాముఖ్యత కలిగిన దేశాలు. అవి పరిమాణంలో చిన్నవి అయినప్పటికీ, ఆయా దేశాల సంస్కృతి, చరిత్ర, ప్రకృతి అందాలలో వాటికి సాటైన దేశాలు లేవట్టే అతిశయోక్తి కాదు. ఈ దేశాల జనాభా కూడా తక్కువే. వారి ప్రాంతంతో పోలిస్తే ప్రపంచ స్థాయిలో వారి ప్రభావం ఎక్కువగా ఉంటుంది. పరిమాణంలో ఢిల్లీ కంటే చిన్నగా ఉన్న అలాంటి 5 దేశాల గురించి ఇక్కడ తెలుసుకుందాం..

వాటికన్ సిటీ: ప్రపంచంలోనే అతి చిన్న దేశం. దీని పరిమాణం చాలా చిన్నది. దీని వైశాల్యం కేవలం 0.44 చదరపు కిలోమీటర్లు. అంటే దాదాపు 3-4 పెద్ద ఇళ్లకు సమానం. ఈ దేశం రోమ్ (ఇటలీ) లోపల ఉంది. కాథలిక్ మతం అతిపెద్ద నాయకుడు అయిన పోప్ ఇక్కడే నివసిస్తున్నారు. మతపరమైన దృక్కోణం నుండి దీనికి చాలా ప్రాముఖ్యత ఇవ్వబడింది.

మొనాకో: ప్రపంచంలో రెండవ అతి చిన్న దేశం మొనాకో. దీని వైశాల్యం 1.95 చదరపు కిలోమీటర్లు. ఈ దేశం ఫ్రాన్స్‌కు సమీపంలో ఉంది. ఇక్కడి ప్రజల జీవనశైలి చాలా అద్భుతంగా ఉంటుంది. మొనాకో కాసినోలు, విలాసవంతమైన జీవితానికి ప్రసిద్ధి చెందింది. ప్రసిద్ధ కార్ రేస్ (ఫార్ములా 1) కూడా ఇక్కడే జరుగుతుంది.

ఇవి కూడా చదవండి

నౌరు: పసిఫిక్ మహాసముద్రంలో ఉన్న ఒక చిన్న ద్వీప దేశం నౌరు. ఈ దేశం వైశాల్యం 21 చదరపు కిలోమీటర్లు. అంటే చాలా చిన్నది. దేశంలో ఫాస్ఫేట్ (ఒక రకమైన ఖనిజం) సమృద్ధిగా ఉంది. దాని ఆర్థిక వ్యవస్థ ప్రధానంగా ఈ ఖనిజ త్రవ్వకాలపై ఆధారపడి ఉంటుంది.

తువాలు: ఇది కూడా చాలా చిన్న ద్వీప దేశం. దీని వైశాల్యం కేవలం 26 చదరపు కిలోమీటర్లు మాత్రమే. ఇది పసిఫిక్ మహాసముద్రంలో ఉంటుంది. తువాలులో చాలా తక్కువ మంది నివసిస్తున్నారు. సముద్ర మట్టాలు పెరగడం వల్ల దేశం మునిగిపోయే ప్రమాదంలో ఉంది. ఈ దేశం పర్యావరణ సమస్యలను ఎదుర్కొంటోంది.

శాన్ మారినో: శాన్ మారినో 61 చదరపు కిలోమీటర్ల విస్తీర్ణంతో ఉన్న ఒక చిన్న దేశం. ఇది ఇటలీ లోపల ఉంది. ప్రపంచంలోని పురాతన రిపబ్లిక్ అని పేర్కొంది. శాన్ మారిన్ ఎంతో పురాతన చరిత్రను కలిగి ఉంది. ఈ ప్రదేశం దాని చారిత్రక, సాంస్కృతిక వారసత్వానికి ప్రసిద్ధి చెందింది.

మరిన్ని ట్రెండింగ్ న్యూస్ కోసం క్లిక్ చేయండి..