పండగ సీజన్ ఈ 3 రంగాలకు లైఫ్ సేవర్.. పెరుగుతున్న వ్యాపారంతో 2 లక్షల కొత్త ఉద్యోగాలు..

2 hours ago 1

దీపావళి దగ్గర పడింది. షాపింగ్‌ కారణంగా మార్కెట్‌లో రద్దీ కనిపిస్తోంది. పండుగ కారణంగా ఏర్పడిన డిమాండ్ అనేక ఉపాధి అవకాశాలను కూడా సృష్టించింది. ఈ పండుగల సీజన్‌లో లాజిస్టిక్స్, ఆపరేషన్స్, ఈ-కామర్స్ , టూరిజం రంగాలలో ఉద్యోగాల సంఖ్య వార్షిక ప్రాతిపదికన 20 శాతం పెరిగింది. ఈ సమయంలో మొత్తం 2.16 లక్షల అవకాశాలు నమోదయ్యాయని ప్రొఫెషనల్ నెట్‌వర్కింగ్ ప్లాట్‌ఫామ్ ‘అప్నా.కో’ ఈ సమాచారాన్ని తెలియజేసింది. వినియోగదారుల వ్యయం మందగించిన తర్వాత పుంజుకోవాలని చూస్తున్న వ్యాపారాలకు ఈ సంవత్సరం పండుగ సీజన్ చాలా ముఖ్యమైనది.

70 శాతం పెరిగింది

అంతేకాదు వస్తువులను వేగంగా డెలివరీ చేసే తక్షణ వాణిజ్య పరిశ్రమ విస్తరణ కూడా రిక్రూట్‌మెంట్‌కు దోహదపడింది. ఈ సమయంలో లాజిస్టిక్స్, ఆపరేషన్స్ రంగంలో అవకాశాలు వార్షిక ప్రాతిపదికన 70 శాతం పెరిగాయి. మరోవైపు రిటైల్, ఈ-కామర్స్ 30 శాతం వృద్ధి చెందగా రెస్టారెంట్, హాస్పిటాలిటీ రంగం 25 శాతం పెరిగింది.

ఇవి కూడా చదవండి

Rapido, Delhivery, eCart , Shiprocket వంటి కంపెనీలు వివిధ పోస్టుల కోసం 30,000 కంటే ఎక్కువ ఖాళీలను భర్తీ చేశాయి. Apna.co వ్యవస్థాపకుడు, చీఫ్ ఎగ్జిక్యూటివ్ ఆఫీసర్ (CEO) నిర్తత్ పారిఖ్ మాట్లాడుతూ యజమాని భాగస్వాములకు ఈ సంవత్సరం చాలా ముఖ్యమైనదని… వినియోగదారుల డిమాండ్‌లో 20-25 శాతం వృద్ధిని చూస్తామని భావిస్తున్నామని చెప్పారు.

దీపావళికి రూ.4 లక్షల కోట్ల వ్యాపారం జరుగుతుందని అంచనా

ఈ ఏడాది దీపావళి పండుగ సందర్భంగా రూ.4.25 లక్షల కోట్ల వ్యాపారం జరుగుతుందని అంచనా. దీపావళి సహా దీని సంబంధిత పండుగల కోసం దేశ రాజధాని డిల్లీ సహా దేశంలోని ఇతర ప్రాంతాలలో సన్నాహాలు జోరందుకున్నాయి. వ్యాపారస్తులు తమ వ్యాపారాన్ని పెంచుకోవడానికి మరింత ఎక్కువ మంది కస్టమర్లను ఆకర్షించాలని లక్ష్యంగా పెట్టుకున్నారు. దీపావళి పండుగ సీజన్ కోసం ఢిల్లీ మార్కెట్లలో, దేశవ్యాప్తంగా భారీ సన్నాహాలు జరుగుతున్నాయని చాందినీ చౌక్ MP, కాన్ఫెడరేషన్ ఆఫ్ ఆల్ ఇండియా ట్రేడర్స్ (CAIT) ప్రధాన కార్యదర్శి ప్రవీణ్ ఖండేల్వాల్ తెలిపారు. రాఖీ పండగ, నవరాత్రి వంటి సందర్భంగా విక్రయాలు పెరగడంతో ఈ దీపావళి సీజన్‌లో దేశవ్యాప్తంగా దాదాపు రూ.4.25 లక్షల కోట్ల వ్యాపారం జరుగుతుందని వ్యాపారులు అంచనా వేస్తున్నారని, ఇందులో ఒక్క ఢిల్లీలోనే రూ.75,000 కోట్ల వ్యాపారం జరుగుతుందనే అంచనా వేస్తున్నట్లు చెప్పారు.

మరిన్ని బిజినెస్ వార్తల కోసం ఇక్కడ క్లిక్ చేయండి…

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article