రోజుకు ఎన్ని గుడ్లు తినాలో తెలుసా..? నిపుణులు ఏం చెబుతున్నారంటే..

శరీరాన్ని ఆరోగ్యంగా ఉంచుకోవడానికి ఆహారంపై ప్రత్యేక శ్రద్ధ వహించాలి. దీనికోసం, పోషకమైన వాటిని ఆహారంలో చేర్చుకోవాలి. దీనితో పాటు, ఆహార పదార్థాల పరిమాణాన్ని కూడా జాగ్రత్తగా చూసుకోవాలి. మీరు ఆరోగ్యంగా ఉండాలనుకుంటే గుడ్లు తినేటప్పుడు వాటి పరిమాణం గురించి జాగ్రత్తగా ఉండండి. ఎందుకంటే, ఏదైనా సరే మితంగా తింటేనే ఆరోగ్యం..లేదంటే..అనారోగ్య సమస్యలు కొని తెచ్చుకున్నట్టే అవుతుంది. మీరు మీ శరీరాన్ని ఆరోగ్యంగా ఉంచుకోవాలనుకుంటే మీరు రోజుకు కనీసం 1 నుంచి 3 గుడ్ల వరకు తినవచ్చు. కానీ, అతిగా తింటే మాత్రం ఆరోగ్యానికి హానికరం అంటున్నారు నిపుణులు. అదేలాగో ఇక్కడ తెలుసుకుందాం…

గుడ్లలో విటమిన్ ఎ, యాంటీ ఆక్సిడెంట్, యాంటీ ఇన్ఫ్లమేటరీ లక్షణాలు ఉంటాయి. ఇవి కళ్ళకు మేలు చేస్తాయి. ప్రతిరోజూ 1-2 గుడ్లు తినడం వల్ల కంటి చూపును కాపాడుకోవచ్చు. ప్రతిరోజూ తగినంత మొత్తంలో గుడ్లు తినడం వల్ల రోగనిరోధక శక్తి బలపడుతుంది. ఇది శరీరంలో ఇన్ఫెక్షన్ ప్రమాదాన్ని తగ్గిస్తుంది. తగినంత శక్తిని అందిస్తుంది. గుడ్లలో విటమిన్ డి ఉంటుంది. దీన్ని తగినంత పరిమాణంలో తినడం వల్ల ఎముకలు బలపడతాయి.

రోజు గుడ్డు తినడం మెదడుకు ప్రయోజనకరంగా ఉంటుంది. గుడ్లు తినడం వల్ల ఆలోచించే, అర్థం చేసుకునే సామర్థ్యం పెరుగుతుంది. మీరు గుడ్లు ఎక్కువ పరిమాణంలో తీసుకుంటే, శరీరంలో కొలెస్ట్రాల్ పెరుగుతుంది. దీనివల్ల గుండె సంబంధిత వ్యాధుల ప్రమాదం కూడా పెరుగుతుంది. చర్మం, జుట్టు, గోర్లు వంటి శరీర భాగాల ఆరోగ్యానికి కోడిగుడ్లు కీలకంగా వ్యవహరిస్తాయి. కంటిచూపు పెంచడం, జ్ఞాపకశక్తిని మెరుగుపరచడానికి గుడ్డు ఎంతగానో సహాయపడుతుంది.

ఇవి కూడా చదవండి

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

మరిన్ని లైఫ్ స్టైల్ న్యూస్ కోసం క్లిక్ చేయండి..