Air Pollution: ఊపిరితిత్తులు, చర్మం, కళ్ళకు వ్యాధులను తెస్తున్న శీతాకాలం.. సమస్య నివారణకు సింపుల్ టిప్స్ మీ కోసం..

2 hours ago 1

దేశ రాజధాని ఢిల్లీతోపాటు పలు పరిసర ప్రాంతాల్లో కాలుష్య స్థాయి పెరిగింది. ఈ హానికరమైన వాతావరణం ప్రజల ఆరోగ్యంపై తీవ్ర ప్రభావం చూపుతుంది. కాలుష్యం చర్మం, ఊపిరితిత్తులపై తీవ్ర ప్రభావం చూపుతుంది. అటువంటి పరిస్థితిలో ప్రతి ఒక్కరూ ఆరోగ్యాన్ని చాలా జాగ్రత్తగా చూసుకోవాలి. ఆరోగ్య నిపుణులు డాక్టర్ పి.ఎన్. యశోద సూపర్ స్పెషాలిటీ హాస్పిటల్ మేనేజింగ్ డైరెక్టర్ కౌశాంబి అరోరా మాట్లాడుతూ.. కాలుష్యం మొదటి ప్రభావం ఊపిరితిత్తులపైనే పడుతుంది. కాలుష్యంలో ఉండే చిన్న హానికరమైన కణాలు ఊపిరితిత్తులకు హాని కలిగిస్తాయి. ఉబ్బసం, COPD, బ్రోన్కైటిస్ వంటి సమస్యలను కలిగిస్తాయి.

కాలుష్యం చాలా ఎక్కువగా ఉందని యశోద సూపర్ స్పెషాలిటీ హాస్పిటల్ మేనేజింగ్ డైరెక్టర్ కౌశాంబి డాక్టర్ పిఎన్ అరోరా చెబుతున్నారు. అటువంటి పరిస్థితిలో ఊపిరితిత్తుల ఆరోగ్యాన్ని జాగ్రత్తగా చూసుకోవడం చాలా ముఖ్యం. కనుక బయటకు వెళ్లే సమయంలో N95 మాస్క్ ధరించండి. మధ్యలో మాస్క్‌ని తొలగించవద్దు. రద్దీగా ఉండే ప్రదేశాలలో నివసించడం మానుకోండి. అంతేకాదు బయట తినడం కూడా మానుకోండి. ఊపిరితిత్తుల మంచి ఆరోగ్యం కోసం తేనె, పసుపు కలిపిన గోరువెచ్చని నీటిని తాగడం ప్రారంభించండి. ఇది శ్వాసకోశ వ్యవస్థను క్లియర్ చేస్తుంది.

చర్మాన్ని ఎలా చూసుకోవాలంటే

ఇవి కూడా చదవండి

కాలుష్యం చర్మంపై విపరీతమైన ప్రభావం చూపుతుందని చర్మంపై మొటిమలు, దద్దుర్లు వస్తాయని యశోద సూపర్ స్పెషాలిటీ ఆస్పత్రిలోని డెర్మటాలజీ విభాగంలో డాక్టర్ సరితా సాంకే చెబుతున్నారు. అటువంటి పరిస్థితిలో చర్మ సంరక్షణ ముఖ్యం. బయటి నుండి ఇంటికి వచ్చిన తర్వాత ముఖాన్ని పూర్తిగా శుభ్రం చేసుకుని మాయిశ్చరైజర్ ఉపయోగించండి. దీంతో చర్మం చక్కగా ఉంటుంది. బయటకు వెళ్లే సమయంలో ముఖాన్ని స్కార్ఫ్ తో కవర్ చేసుకోండి. ఇలా చేయడం వలన చర్మంపై పేరుకునే కాలుష్యానికి సంబంధించిన చిన్న రేణువుల నుంచి కూడా రక్షణ లభిస్తుంది.

కళ్ళను ఎలా రక్షించుకోవాలంటే

కాలుష్యం వల్ల కళ్లలో వాపుతోపాటు చికాకు కూడా కలుగుతుందని కంటి నిపుణుడు డాక్టర్ నరీందర్ సింగ్ వివరిస్తున్నారు. అటువంటి పరిస్థితిలో బయటకు వెళ్ళే ముందు సన్ గ్లాసెస్ ధరించండి. బయటి నుంచి ఇంటికి వచ్చిన తర్వాత చల్లటి నీళ్లతో కళ్లను కడుక్కోవడమే కాదు రాత్రి సమయంలో కళ్లలో ఐ డ్రాప్స్ వేసుకోవచ్చు. దీనితో పాటు ఆరోగ్యకరమైన ఆహారం తీసుకోండి. తినే ఆహారంలో క్యారెట్ , ఆకు కూరలు వంటి యాంటీఆక్సిడెంట్లు , విటమిన్ సి ఉన్న ఆహారాన్ని తీసుకోండి. ఉదయాన్నే లేదా సాయంత్రం ఆలస్యంగా వ్యాయామం చేయండి. ఇంటి లోపల యోగా, ప్రాణాయామం చేయడం వలన కాలుష్యం నుంచి ఊరిపితిత్తులను రక్షించుకోవచ్చు.

మరిన్ని హెల్త్ వార్తల కోసం ఇక్కడ క్లిక్ చేయండి..

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article