Anil Ambani's Reliance Group's stock prices awesome a rally, this is the reason

મુંબઇ : અનિલ અંબાણીની(Anil Ambani)રિલાયન્સ ગ્રુપની કંપનીઓની સતત વધી રહેલી મુશ્કેલીમાં ઘટાડા થવાના સંકેત મળી રહ્યા છે. જેમાં સ્ટોક એક્સચેન્જમાં લિસ્ટેડ કંપનીઓ રિલાયન્સ પાવર અને રિલાયન્સ ઈન્ફ્રાસ્ટ્રક્ચરના શેરમાં સોમવારે 2024ના ટ્રેડિંગ સેશનમાં મોટો વધારો જોવા મળી શકે છે. રિલાયન્સ પાવર અને રિલાયન્સ ઈન્ફ્રાસ્ટ્રક્ચર ઋણમુક્ત થયા બાદ હવે ગ્રુપ તેના બિઝનેસને વધુ તેજ બનાવવા માટે એક મોટી વ્યૂહરચના પર કામ કરવા જઈ રહ્યું છે જેથી અનિલ અંબાણીની માલિકીના રિલાયન્સ ગ્રુપની મુશ્કેલીઓ ઓછી થઇ શકે છે. રિલાયન્સ ગ્રુપે વર્ષ 2030 સુધીમાં ગ્રુપના વિકાસને વેગ આપવા માટે રિલાયન્સ ગ્રુપ કોર્પોરેટ સેન્ટરની સ્થાપના કરી છે.

રિલાયન્સ ગ્રુપ કોર્પોરેટ સેન્ટર લોન્ચ

સ્ટોક એક્સચેન્જમાં ફાઈલ કરાયેલી રેગ્યુલેટરી ફાઈલિંગમાં રિલાયન્સ ગ્રૂપે જણાવ્યું હતું કે, ગ્રૂપે વિઝન 2030 સુધી વૃદ્ધિની વ્યૂહરચના ધ્યાનમાં રાખીને રિલાયન્સ ગ્રુપ કોર્પોરેટ સેન્ટર લોન્ચ કર્યું છે. આ કોર્પોરેટ સેન્ટર વ્યૂહાત્મક હબ તરીકે કામ કરશે જે ગ્રુપ કંપનીઓને નવી તકો સાથે નવી ટેકનોલોજી અપનાવવા માટે માર્ગદર્શન આપશે. રિલાયન્સ ગ્રુપ કોર્પોરેટ સેન્ટર (RGCC) ની કોર ટીમમાં સતીશ શેઠ, પુનિત ગર્ગ અને કે રાજા ગોપાલ સહિતના જૂથના અનુભવીઓનો સમાવેશ થાય છે, જેમની પાસે 100 વર્ષથી વધુનો મેનેજમેન્ટનો અનુભવ છે અને તેમણે રિલાયન્સ ગ્રુપ સાથે 50 વર્ષ વિતાવ્યા છે.

સતીશ શેઠ અને પુનીત ગર્ગે રિલાયન્સ ગ્રુપમાં બે દાયકાથી વધુ સમય વિતાવ્યો છે જે અલગ-અલગ નેતૃત્વના હોદ્દા પર છે. પુનિત ગર્ગ હાલમાં રિલાયન્સ ઈન્ફ્રાસ્ટ્રક્ચરના સીઈઓ છે જ્યારે કે રાજા ગોપાલ રિલાયન્સ પાવર સાથે છ વર્ષથી જોડાયેલા છે. તેમની પાસે પાવર સેક્ટરમાં 27 વર્ષનો અનુભવ છે. રિલાયન્સ ગ્રૂપ કોર્પોરેટ સેન્ટરમાં ગ્રુપ કંપનીઓના અન્ય વડાઓને પણ સામેલ કરવામાં આવશે.

ગ્રુપના ભાવિ વિકાસની યોજનાને વેગ અપાશે

રિલાયન્સ ગ્રૂપના પ્રવક્તાએ ગ્રૂપના આ નિર્ણય પર પોતાના નિવેદનમાં જણાવ્યું હતું કે, અમે રિલાયન્સ ગ્રુપ કોર્પોરેટ સેન્ટર ખાતે નિષ્ણાતોના સમૂહ સાથે વ્યાવસાયિક રીતે અનુભવી લોકોની ટીમનો પરિચય કરાવવા માટે ખૂબ જ ઉત્સાહિત છીએ. આ વ્યૂહાત્મક પગલાનો ઉદ્દેશ્ય ઉદ્યોગના પડકારોને સંબોધીને અને નવી તકોનો લાભ ઉઠાવીને ગ્રુપના ભાવિ વિકાસને વેગ આપવા માટે આ નેતાઓના અનુભવોનો ઉપયોગ કરવાનો છે. તેમણે કહ્યું, રિલાયન્સ ગ્રુપ કોર્પોરેટ સેન્ટર અમારા જૂથની સફળતાના આગામી તબક્કાને આકાર આપવામાં મહત્વની ભૂમિકા ભજવશે.

Also Read – Anil Ambani ની મુશ્કેલીમાં વધારો, કેનરા બેંકે હવે ત્રણ કંપની પર કરી આ કાર્યવાહી

બે કંપનીઓ હાલમાં જ દેવામુક્ત બની

રિલાયન્સ ગ્રૂપે જણાવ્યું હતું કે તાજેતરના સમયમાં રિલાયન્સ ઈન્ફ્રાસ્ટ્રક્ચર અને રિલાયન્સ પાવર દેવા મુક્ત કંપનીઓ બની છે અને આ કંપનીઓએ તેમના વિસ્તરણ માટે નવી યોજનાઓ બનાવી છે. રિલાયન્સ પાવરે ભૂતાનમાં 1270 મેગાવોટ રિન્યુએબલ પાવર પ્રોજેક્ટ હસ્તગત કર્યો છે. રિલાયન્સ ઈન્ફ્રાસ્ટ્રક્ચર, તેની પેટાકંપની રિલાયન્સ ડિફેન્સ દ્વારા, મહારાષ્ટ્રના રત્નાગિરીમાં 1000 એકરમાં નાના હથિયારો અને વિસ્ફોટકોની ઉત્પાદન સુવિધા સ્થાપવા જઈ રહી છે. જૂથના જણાવ્યા અનુસાર, કંપની આ ખૂબ જ મહત્વાકાંક્ષી યોજનાને સમર્થન આપવા માટે રૂ. 17600 કરોડનું ભંડોળ એકત્ર કરવા જઈ રહી છે.

નોંધ: આ માહિતીના આધારે શેરબજારમાં રોકાણ કરવું નહિ. કોઈપણ શેરમાં રોકાણ કરતા પહેલા તમારા નાણાકીય સલાહકારની સલાહ લેવી હિતાવહ છે. કોઈ પણ રોકાણ અંગે ‘મુંબઈ સમાચાર’ જવાબદાર રહેશે નહીં.

દેશ દુનિયાના મહત્ત્વના અને રસપ્રદ સમાચારો માટે જોઈન કરો ' મુંબઈ સમાચાર 'ના WhatsApp ગ્રુપને ફોલો કરો અમારા Facebook, Instagram, YouTube અને X (Twitter) ને