Arjuni Assembly Elections: लोकशाहीच्या उत्सवात सहभागी होऊन जास्तीत जास्त मतदान करा

उपविभागीय अधिकारी वरुणकुमार सहारे यांचे आवाहन

अर्जुनी मोर/गोंदिया (Arjuni Assembly Elections) : भारत निवडणूक आयोगाने दि.15 ऑक्टोबर रोजी मंगळवार ला महाराष्ट्रात होऊ घातलेल्या सार्वत्रिक विधानसभा निवडणुकांच्या तारखा जाहीर केल्या असून पुढील महिन्याच्या 20 नोहेंबरला एकाच टप्प्यात विधानसभा निवडणुकी (Arjuni Assembly Elections) करिता मतदान घेण्यात येणार आहे. तर 23 नोहेंबर 2024 ला मतमोजणी होऊन विधानसभा निवडणुकीचा निकाल घोषित करण्यात येणार आहे.

गोंदिया जिल्ह्यातील 063 अर्जुनी/मोरगाव विधानसभा क्षेत्रातील 318 मतदान केंद्र या ठिकाणी 20 नोव्हेंबर 2024 ला मतदान प्रक्रिया पार पडेल तर 23 नोहेंबर 2024 ला मतमोजणी होणार असून त्याच दिवशी निकाल हाती येणार असल्याची माहिती अर्जुनी/मोरगाव चे उपविभागीय अधिकारी तथा सहायक निवडणुक निर्णय अधिकारी वरुणकुमार सहारे यांनी दि.16 ऑक्टोबर 2024 रोजी उपविभागीय अधिकारी कार्यालयात घेण्यात आलेल्या पत्रकार परिषदेत दिली .जेष्ठ नागरिक आणि दिव्यांग व्यक्तिंना घरबसल्या मतदान करता याव यासाठी निवडणुक कर्मचारी घरोघरी जाऊन माहिती व अर्ज भरुन घेणार असुन मतदानाकरिता बैलेट पेपर ची व्यवस्था करण्यात येणार आहे.

तसेच ज्यांनी 01 ऑक्टोबर 2024 रोजी वयाची 18 वर्षे पूर्ण केलेले आहे अशा भारतीय नागरिकांनी अर्ज 06 भरुन आपली नाव नोंदणी 19 ऑक्टोबर 2024 पर्यंत करावे.आणि सर्वांनी आदर्श आचारसहिंतेचे काटेकोरपणे पालन करावे.तर 063 अर्जुनी/मोरगाव विधानसभा क्षेत्रात होऊ घातलेल्या (Arjuni Assembly Elections) विधानसभा निवडणुकीत एकूण 2 लाख 56 हजार 953 मतदार मतदानाचा हक्क बजावणार असल्याची माहिती देखिल उपविभागीय अधिकारी तथा सहायक निवडणुक निर्णय अधिकारी वरुणकुमार सहारे यांनी दिली आहे. यावेळी पत्रकार परिषदेला अर्जुनी/मोरगाव चे तहसीलदार अनिरुद्ध कांबळे,निवडणुक नायब तहसीलदार विनोदकुमार पेंदाम यांचेसह पत्रकार बांधव उपस्थित होते.