Bank Loan: ఎవరైనా రుణం తీసుకున్న తర్వాత మరణిస్తే బ్యాంకు డబ్బులను ఎలా రికవరీ చేస్తుంది? బాధ్యులు ఎవరు?

2 hours ago 1

Bank Loan: మీరు రుణం తీసుకున్న ఉద్దేశ్యం ఆధారంగా బ్యాంకులు మీకు వడ్డీని వసూలు చేస్తాయి. రుణం తిరిగి చెల్లించడానికి మీరు ప్రతి నెలా వాయిదా (EMI) చెల్లించాలి. ఒక వ్యక్తికి రుణం ఇచ్చే ముందు బ్యాంకు అతని ఆర్థిక చరిత్ర గురించి తెలుసుకుంటుంది..

Subhash Goud

ఈ రోజుల్లో దేనికైనా అప్పు తీసుకోవడం సర్వసాధారణం అయిపోయింది. ఇల్లు కొనాలన్నా, కారు కొనాలన్నా, వ్యాపారం కోసమైనా, వ్యక్తిగత ఖర్చుల కోసమైనా ప్రజలు బ్యాంకుల నుండి రుణాలు తీసుకుంటారు. మీరు రుణం తీసుకున్న ఉద్దేశ్యం ఆధారంగా బ్యాంకులు మీకు వడ్డీని వసూలు చేస్తాయి. రుణం తిరిగి చెల్లించడానికి మీరు ప్రతి నెలా వాయిదా (EMI) చెల్లించాలి. ఒక వ్యక్తికి రుణం ఇచ్చే ముందు బ్యాంకు అతని ఆర్థిక చరిత్ర గురించి తెలుసుకుంటుంది. ఆ తర్వాతే మీకు రుణం ఇచ్చేందుకు ఆసక్తి చూపుతుంది.

రుణం చెల్లించే ముందు వ్యక్తి చనిపోతే ఏమి జరుగుతుంది? : ఒక వ్యక్తి తన మొత్తం రుణాన్ని సకాలంలో చెల్లించకపోతే, బ్యాంకు పూర్తి అధికారంతో రుణగ్రహీతపై చట్టపరమైన చర్య తీసుకోవచ్చని మనందరికీ తెలుసు. కానీ రుణం తీసుకున్న వ్యక్తి దానిని తిరిగి చెల్లించే ముందు మరణిస్తే రుణానికి ఎవరు బాధ్యత వహిస్తారో మీకు తెలుసా? రుణగ్రహీత మరణిస్తే బ్యాంకు డబ్బును ఎలా తిరిగి పొందుతుందో తెలుసుకుందాం.

టాటా క్యాపిటల్ ప్రకారం, రుణగ్రహీత మరణిస్తే, రుణాన్ని తిరిగి చెల్లించడానికి బ్యాంకు మొదట రుణం సహ-దరఖాస్తుదారులను సంప్రదిస్తుంది. సహ-దరఖాస్తుదారుడు కూడా రుణాన్ని తిరిగి చెల్లించలేకపోతే బ్యాంకు హామీదారుని మరణించిన వ్యక్తి కుటుంబ సభ్యుడిని లేదా చట్టపరమైన వారసుడిని సంప్రదించి మిగిలిన మొత్తాన్ని చెల్లించమని అడుగుతుంది. వీరిలో ఎవరైనా మిగిలిన రుణాన్ని చెల్లించలేకపోతే అటువంటి పరిస్థితిలో బ్యాంకు మరణించిన వ్యక్తి ఆస్తిని స్వాధీనం చేసుకుని విక్రయిస్తుంది. కావాల్సిన మొత్తాన్ని తీసుకుంటుంది.

గృహ రుణాలు లేదా కారు రుణాలకు బ్యాంకులు ఎలా వసూలు చేస్తాయి?: గృహ రుణం లేదా కారు రుణం తీసుకున్న వ్యక్తి మరణిస్తే, బ్యాంకు అతని ఇల్లు, కారును జప్తు చేస్తుంది. తరువాత స్వాధీనం చేసుకున్న ఇల్లు, కారును వేలం వేస్తారు. వేలం నుండి వచ్చిన డబ్బు నుండి బ్యాంకులు తమ రుణాలను తిరిగి పొందుతాయి. అదేవిధంగా ఏదైనా ఇతర రుణంలో బ్యాంకు మరణించిన వ్యక్తి మిగిలిన ఆస్తిని కూడా స్వాధీనం చేసుకుని, ఆపై రుణ మొత్తాన్ని తిరిగి పొందడానికి విక్రయించవచ్చు.

ఏ కుటుంబమైనా తమ ఇల్లు లేదా మరేదైనా ఆస్తి వేలం వేయం చూడటం చాలా కష్టం. అలాంటి పరిస్థితిని నివారించడానికి నిపుణులు ప్రజలు కనీసం కోటి రూపాయల టర్మ్ ఇన్సూరెన్స్ తీసుకోవాలని సలహా ఇస్తున్నారు. తద్వారా భవిష్యత్తులో ఇలాంటి సంఘటన ఏదైనా జరిగితే బీమా మొత్తం నుండి రుణాన్ని తిరిగి చెల్లించవచ్చు.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article