Boisar Assembly Constituency : उद्धव ठाकरे आज बोईसरमध्ये

1 hour ago 1

Uddhav Thackeray (उद्धव ठाकरे) Member of the Maharashtra Legislative CouncilPudhari News Netwrok

पुढारी वृत्तसेवा

Published on

17 Nov 2024, 9:51 am

Updated on

17 Nov 2024, 9:51 am

पालघर : बोईसर विधानसभा मतदारसंघांमध्ये निवडणुकीच्या प्रमुख लढतीत असलेले ठाकरे शिवसेनेचे उमेदवार डॉक्टर विश्वास वळवी यांच्या प्रचाराचा झंजावात सुरू आहे. त्यातच त्यांना निवडणुकीत जनतेचा कौल मिळावा यासाठी वळवी यांच्या प्रचारार्थ ठाकरे शिवसेनेचे पक्षप्रमुख उद्धव बाळासाहेब ठाकरे बोईसर दौर्‍यावर येणार आहेत. आज (रविवार दि. 17) दुपारी ते खैरेपाडा मैदानावर जाहीर सभेसाठी येत आहेत.

बोईसर विधानसभा मतदारसंघात बहुजन विकास आघाडीचे राजेश पाटील, शिंदे शिवसेनेचे विलास तरे यांना ठाकरे शिवसेनेचे डॉ. विश्वास वळवी हे आव्हान देणार आहेत. सध्या वळवी यांचा सुरू असलेला प्रचार लक्षात घेता त्यांनी प्रचारामध्ये चांगलीच आघाडी घेतली आहे. ग्रामीण भागात त्यांना चांगला प्रतिसाद मिळत असून निवडणुकीत वळवी यांना जनाधार मिळण्याची शक्यता निर्माण झाली आहे. त्यामुळे या मतदारसंघात महाविकास आघाडीची ताकद पणाला लावून घटक पक्षातील पदाधिकारी कार्यकर्ते सर्वजण ताकतीनिशी काम करत आहेत. त्यामुळे डॉ. वळवी हे या मतदारसंघातून विजयी होतील, अशी अपेक्षा केली जात आहे. त्यांच्या विजयासाठी उद्धव ठाकरे हे खैरेपाडा मैदानावर जाहीर सभा घेणार असून येथे महाविकास आघाडीमार्फत काही ठोस आश्वासनेही जनतेला देण्यात येतील असे सांगितले जाते. त्यामुळे डॉ. विश्वास वळवी यांच्या प्रचारासाठी उद्धव ठाकरे बोईसरमध्ये येत असताना त्यांच्या जाहीर सभेमुळे मतदार वर्ग वळवी यांच्या बाजूने कौल देतील असा विश्वास वळवी यांनी व्यक्त करत राजकारण न करता समाजकारण करत समाजासाठी व या मतदारांसाठी विकासात्मक कामे करून त्यांच्या समस्या दूर करण्याचा पुरेपूर प्रयत्न राहणार असे आश्वासनही दिले.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.

*** Disclaimer: This Article is auto-aggregated by a Rss Api Program and has not been created or edited by Nandigram Times

(Note: This is an unedited and auto-generated story from Syndicated News Rss Api. News.nandigramtimes.com Staff may not have modified or edited the content body.

Please visit the Source Website that deserves the credit and responsibility for creating this content.)

Watch Live | Source Article